U Słonimie rabočy trapiŭ u balnicu paśla taho, jak zaharełasia darožna-raźmietačnaja mašyna
U niejki momant zdaryłasia ŭspyška i na adnym z rabočych zaharełasia adzieńnie.
U Słonimie rabočy trapiŭ u balnicu z traŭmami paśla zaharańnia darožna-raźmietačnaj mašyny. Padrabiaznaści raskazali ŭ pres-słužbie Ministerstva pa nadzvyčajnych situacyjach.
U 09:09 3 maja ratavalnikam pastupiła infarmacyja, što na vulicy Savieckaj zaharełasia darožna-raźmietačnaja mašyna, rabočy atrymaŭ traŭmy. Supracoŭniki MNS, jakija pryjechali na miesca, likvidavali ŭzharańnie.
Paźniej vyśvietliłasia, što dla taho, kab paźbiehnuć zastojvańnia farby, rabočyja źbiralisia pieralić jaje z farbavalnaha pistaleta ŭ bačok. Ale ŭ niejki momant zdaryłasia ŭspyška i na adnym z rabočych zaharełasia adzieńnie. Jaho kaleha sprabavaŭ samastojna spravicca z uzharańniem, ale nie zmoh i patelefanavaŭ u MNS.
«Paciarpieły ŭ ciažkim stanie špitalizavany ŭ reanimacyjnaje adździaleńnie rajonnaj balnicy», — udakładnili ŭ viedamstvie.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary