Hienkonsuł Ukrainy raskrytykavała pohlady niemcaŭ na rolu krainy ŭ Druhoj suśvietnaj
Siońnia ŭ Hiermanii adznačajuć Dzień vyzvaleńnia. 79 hadoŭ tamu kapitulavaŭ viermacht, što aznačała zakančeńnie Druhoj suśvietnaj vajny ŭ Jeŭropie. Da hetaj daty hienkonsuł Ukrainy ŭ Hamburhu Iryna Tybinka zaklikała nadavać bolš uvahi pakutam ukraincaŭ u 1939-1945 hadach, piša ahienctva DPA.
Pa słovach dypłamatki, navat praz 80 hadoŭ pieravažnaja bolšaść hramadzian Hiermanii nie ŭśviedamlajuć hłybokuju traŭmu, naniesienuju Ukrainie ŭ toj vajnie. Niamieckija historyki zvyčajna zhadvajuć ukraincaŭ tolki praz supracoŭnictva z nacystami, a reputacyju krainy-pakutnika i pieramožcy prypisvajuć Rasii, miarkuje Tybinka.
«U padručnikach historyi ŭ niamieckich škołach da hetaha času nie chapaje pamiaci ab ukrainskich achviarach Druhoj suśvietnaj vajny», — pryvodzić jaje cytatu Bild.
Dypłamat nahadała pra bolš čym 8 młn zabitych ukraincaŭ, pra 2,5 młn padniavolnych rabotnikaŭ, pra tysiačy ŭkraincaŭ, pryznanych «praviednikami narodaŭ śvietu» za dapamohu habrejam, pra čatyry hady ciažkich bajoŭ va Ukrainie, pra całkam razburanyja harady i vioski. Usio heta patrabuje pamiaci i paminańnia, upeŭnienaja Tybinka.
«Asabliva ciapier, kali śviedki toj vajny adzin za adnym pakidajuć nas, a novy vorah sprabuje źniščyć ukrainski narod, čaściakom vykarystoŭvajučy staryja mietady», — dadała jana.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary