Z 1 vieraśnia ŭ dziesiacikłaśnikaŭ zamiest Historyi Biełarusi źjavicca inšy pradmiet
Zamiest hetaha budzie intehravany kurs.
Z pačatku novaha navučalnaha hoda ŭ raskładzie školnikaŭ buduć źmieny: z prahramy dla 10-ha kłasa źniknie pradmiet «Historyja Biełarusi», zamiest jaho źjavicca novy intehravany kurs. Infarmacyja pra heta vynikaje z pastanovy, apublikavanaj na sajcie Minadukacyi, zaŭvažyła «Lusterka».
Z 1 vieraśnia 2024 hoda ŭ raskładzie 10-kłaśnikaŭ zamiest pradmietaŭ «Historyja Biełarusi» i «Suśvietnaja historyja» źjavicca «Historyja Biełarusi ŭ kantekście suśvietnaj historyi».
U navučalnych płanach, što ŭstupajuć u siłu z pačatku novaha navučalnaha hoda, skazana: u padletkaŭ, jakija vyvučajuć «Historyju Biełarusi ŭ kantekście suśvietnaj historyi» na bazavym uzroŭni, hety pradmiet budzie dvojčy na tydzień pa 45 chvilin. U profilnikaŭ — čatyry ŭroki na tydzień.
Dla paraŭnańnia, ciapier na bazavym uzroŭni ŭ 10-kłaśnikaŭ na tydzień adzin urok «historyi Biełarusi» i adzin «suśvietnaj historyi».
U 11-kłaśnikaŭ pakul zastaniecca ŭsio pa-staromu: i «historyja Biełarusi», i «suśvietnaja historyja» buduć dvuma roznymi pradmietami. Na kožny ŭ tydzień advodzicca pa 45 chvilin.
U kancy 2023 hoda ministr adukacyi Andrej Ivaniec paviedamiŭ, što z 1 vieraśnia ŭ 10-m kłasie źjavicca novy intehravany kurs «Historyja Biełarusi ŭ kantekście suśvietnaj historyi». Na toj momant makiet padručnika pa hetym pradmiecie prachodziŭ aprabacyju ŭ 14 ustanovach adukacyi krainy.
— Abiacajem: vy ŭbačycie padručnik novaha pakaleńnia, jaki dakładna budzie pryjemna ŭziać u ruki. Paralelna raspracoŭvajecca dapamožnik dla 11-ha kłasa, — zajaŭlaŭ ministr, zapeŭniŭšy, što fakty ŭ padručnikach mianiać nie buduć.
U lutym 2023-ha dziaržSMI paviedamlali, što padručnik «Historyja Biełarusi ŭ kantekście suśvietnaj historyi» pavinien źjavicca va ŭsich škołach vosieńniu 2025 hoda.
«Patrebien asobny raździeł». U novym školnym padručniku historyi raskažuć pra padziei 2020 hoda
«Kali pra heta kazaŭ naš rektar — značyć tak i jość». Žurnalisty pasprabavali znajści biełaruska-rasijski padručnik pa historyi
«Płaču za vučobu, a dziciaci zaliki staviać za ŭdzieł u praŭładnych mitynhach». Biełarusy raskazali, što dumajuć pra zabaronu na adukacyju za miažoj
«Sumiesnyja z Rasijaj padručniki niepatrebnyja». Cichanoŭskaja rezka prakamientavała navinu pra supolnyja dapamožniki
U Biełarusi i Rasii stvorać supolnyja padručniki pa historyi
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary