U Rasii 77-hadovamu navukoŭcu dali 14 hadoŭ kałonii pa spravie ab dziaržzdradzie
Anatola Masłava zatrymali ŭ lipieni 2022 hoda i abvinavacili, vierahodna, u pieradačy Kitaju sakretnych źviestak.
77-hadovaha fizika Anatola Masłava pryhavaryli da 14 hadoŭ pazbaŭleńnia voli pa spravie ab dziaržzdradzie. Prakuratura zapytvała 17 hadoŭ kałonii strohaha režymu, piša «Mieduza».
Masłaŭ pracavaŭ u novasibirskim Instytucie tearetyčnaj i prykładnoj miechaniki (ITPM) Sibirskaha adździaleńnia RAN i vyvučaŭ hipierhuk. Navukoŭca zatrymali ŭ lipieni 2022 hoda i abvinavacili, vierahodna, u pieradačy Kitaju sakretnych źviestak.
Jaho syn raskazvaŭ ab prablemach z sercam u baćki. U lutym 2024 hoda Masłaŭ pieranios sardečny prystup pad vartaj.
U Rasii z 2018 hoda nie mienš jak 12 vučonych, jakija zajmalisia ŭ tym liku hipierhukavoj tematykaj, abvinavacili ŭ dziaržzdradzie. Pry hetym Uładzimir Pucin šmat razoŭ kazaŭ u publičnych vystupach ab rasijskaj hipierhukavoj zbroi, «nie maje anałahaŭ u śviecie».
Ź ITPM, akramia Anatola Masłava, fihurantami spraŭ ab dziaržzdradzie stali jašče dvoje supracoŭnikaŭ — fiziki Valeryj Źviehincaŭ i Alaksandr Šypluk.
U śniežni 2023 hoda stała viadoma, što sud adpraviŭ pad aryšt pa abvinavačańni ŭ dziaržzdradzie dacenta Tomskaha politechničnaha ŭniviersiteta, 68-hadovaha Uładzisłava Hałkina. Da 2017 hoda jon taksama pracavaŭ u ITPM.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary