U Niamieččynie konkurs na pasadu nahladčyka majaka pieravysiŭ 1100 čałaviek na miesca
Patrabujecca dobraja fizičnaja forma, ale i zarobak prystojny.
Na vostravie Vanhierohie ŭ Paŭnočnym mory šukali nahladčyka staražytnaha majaka XIX stahodździa. Jon nie vykarystoŭvajecca dla navihacyi, tam pracuje muziej, naziralnaja placoŭka i zała šlubaŭ, piša Bild.
Ad patencyjnaha nahladčyka patrabavałasia dobraja fizičnaja forma, bo štodnia niekalki razoŭ treba padnimacca pa 161 prystupkach. Inšyja zadačy — pradavać kvitki i suvieniry, supravadžać turystaŭ, pravodzić uborku i nievialiki ramont, dahladać sad.
Žyć na majaku nielha, nahladčyku dajuć kvateru ŭ adnym z damoŭ na vostravie. Usiaho tam kala 1000 žycharoŭ. Zarobak ad 2500 jeŭra ŭ miesiac.
Za try miesiacy konkursu na hetuju pasadu pryjšło niečakana šmat zajavak — bolš za 1100 štuk.
Miascovyja ŭłady praviali 45 sumoŭjaŭ uziali Denieła Jochajma — maładoha baćku siamiejstva z zachadu Hiermanii. Jon vyjdzie na pracu 1 červienia. Žonka i dzieci pierajeduć na Vanhierohie paźniej.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary