Viaskoŭca katavali haračym prasam. Toj ćviorda trymaŭsia, jak junak na daprosie
Niezvyčajnaje zdareńnie adbyłosia 15 maja ŭ vioscy Brusy Miadzielskaha rajona.
Dvoje viaskoŭcaŭ pili ŭ treciaha znajomaha (usim «hierojam» ad 40 da 47 hadoŭ). Padčas hulanki adzin ź ich zhadaŭ, što čaćviorty ich znajomy čatyry hady tamu ŭ lesie znajšoŭ dźvie załatyja 10 rublovyja maniety 1899 hoda Mikałaja II (tak zvanyja čyrvoncy), piša SK.
Praz hod paśla znachodki toj paprasiŭ adnaho z hetych pryjacielaŭ pradać adzin čyrvoniec, a toj paśpiachova jaho zhubiŭ. Ci zastałasia druhaja manieta — vyrašyli daviedacca asabista. Zaadno i zabrać relikviju sabie, kab u nastupnym vyhadna pradać.
Mužčyny rušyli da taho samaha adnaviaskoŭca. Haspadar doma spakojna spaŭ i ni pra što nie padazravaŭ.
Nalotčyki abvinavacili jaho ŭ nibyta kradziažy mietału i stali patrabavać kampiensacyju škody ŭ vyhladzie pieradačy apošniaha čyrvonca.
Haspadar admoviŭsia. U chod pajšli kułaki i kij: niekalki razoŭ udaryli paciarpiełaha.
Taki mietad nie spracavaŭ, jany ŭzialisia za pras. Padklučyli ŭ razietku i, prykładvajučy da hrudziej, žyvata i tvaru achviary, patrabavali raskazać, dzie znachodzicca relikvija.
Adnak i takim sposabam im nie ŭdałosia damahčysia žadanaha.
Niahledziačy na źvierskija katavańni, mužčyna mužna trymaŭsia i ničoha nie raskazaŭ.
Praź niekalki dzion apioki jaho ŭbačyli viaskoŭcy, i vyklikali chutkuju. Miedykam mužčyna raspavioŭ pra zdareńnie, a tyja paviedamili ŭ milicyju.
Pa haračych śladach supracoŭniki milicyi zatrymali złamyśnikaŭ. Ciapier im pahražaje da 15 hadoŭ turmy.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary
Niachaj aŭtara nazvy trochi pakatujuć prasam kalehi.
Mahčyma ŭ aŭtara ŭjavicca empatyja