Sałaŭjoŭ raskazaŭ, što za śmierciu prezidenta Irana staić ahient «Eli Kopter»
A heta byŭ žart ź izrailskich sacsietak.
Rasijski prapahandyst Uładzimir Sałaŭjoŭ pakazaŭ u efiry «Rasii 1» videa francuzskaha telekanała i24, na jakim žurnalist Daniel Chajk raskazvaje, što CHAMAS abvinavaciŭ u śmierci prezidenta Irana ahienta izrailskaj raźviedki pa imieni «Eli Kopter». Na heta źviarnuŭ uvahu telehram-kanał «Krovavaja barynia», adznačaje telekanał «Dožd́».
«Hrupa CHAMAS, jakaja vykazvajecca ŭ telehramie, śćviardžaje, što piłot viertalota byŭ ahientam Masada. Jany navat nazyvajuć imia Eli Kopter. Praŭda heta ci nie, ale, viadoma, usio heta častka tych čutak, jakija chodziać», — kaža Chajk.
Žart pra «ahienta Masada na imia Eli Kopter» {pieraklikajecca ź inšaj nazvaj viertalota — hielikopter — NN} raniej raspaŭsiudziŭsia ŭ izrailskich sacsietkach. «Žart, jaki vyjšaŭ z-pad kantrolu», dajšoŭ da aficyjnaha telehram-kanała CHAMAS, jaki pryvioŭ jaho jak fakt, piša Jerusalem Post
Paśla demanstracyi videa Sałaŭjoŭ raspavioŭ hledačam pra knihu «Paŭstań i zabi pieršym», jakaja, pavodle jaho słoŭ, «tłumačyć, čamu dla Izraila palityčnaje zabojstva źjaŭlajecca absalutna prymalnaj formaj baraćby za vyžyvańnie svajoj krainy».
Syn iranskaha šacha: Spačuvańni z nahody śmierci Raisi — heta abraza pamiaci jaho achviar
Viertalot prezidenta Irana ŭrezaŭsia ŭ haru?
Iranski pasoł nazvaŭ imaviernuju pryčynu krušeńnia viertalota prezidenta Raisi
Zahinuły prezident Irana źbiraŭsia prylacieć u Biełaruś
Pieradaŭ «Šachiedy» Rasii i kiravaŭ biznes-impieryjaj ajatały. Chto taki Machamad Machbier — časovy prezident Irana
Kamientary
Elli choptar, eto chielikoptier ili viertolet . Achacha, nu i "ekśpierty" v studii sołov́ja