Jak daviedacca, što vy aktyvavali telehram-bot? Ci moža bot pisać, kali vy jaho nie adkryvali? Adkazvajem na pytańni čytačoŭ
Ludziam, jakija niekali zapuskali bot płana «Pieramoha» pryjšli zakliki hałasavać u Kaardynacyjnuju radu. Čytačy pytalisia ŭ nas, ci moža być takoje, što napisali tym, chto nikoli nie zapuskaŭ bot, jak abaranicca ad niepažadanych botaŭ i jak źbierahčy siabie. Adkazvajem na pytańni.
Jak daviedacca, što vy niekali adkryvali bot płana «Pieramoha»?
Dakładna — nijak. Kali vy pačyścili pierapisku z botam i zabylisia pra jaho, to jon zdoleje vam pisać i praz hady paśla vydaleńnia. Hetuju funkcyju niemahčyma adklučyć i nijak niemahčyma daviedacca, ci startavali vy toj ci inšy bot (havorka nie tolki pra bot «Pieramohi»).
Dla taho, kab bot zaŭždy moh vam pisać, dastatkova adzin raz jaho aktyvavać, navat vypadkova.
Ci moža vam pisać bot, jaki vy nikoli nie adkryvali?
Nie, heta niemahčyma.
Sproščana heta pracuje tak — kali vy naciskajecie «Zapuścić» (abo ŭvodzicie kamandu /Start), vy dajecie jamu prava vam pisać. Całkam adklikać hetuju «padpisku» niemahčyma — kali vy nie zabłakujecie bot, to jon zdoleje vam pisać.
Kali vy zabłakujecie bot, to heta taksama niebiaśpiečna, to jon budzie ŭ śpisku zabłakavanych i pry ahladzie heta ŭbačać siłaviki.
Rašeńnie, jakoje prapanavali «Kibierpartyzany» — heta vydalić pierapisku z botam, kab jon byŭ niabačny pry adkryćci akaŭnta. Ale heta nie ratuje ad vypadkaŭ, kali bot piša vam pieršym.
Ja nie chaču, kab mnie pisali boty, jakija ja adkryvaŭ raniej. Što rabić?
Vydalicie akaŭnt i stvarycie jaho nanova (abo nie pierastvarajcie). Inšych opcyjaŭ niama.
Jak abaranicca ad takich pahrozaŭ ahułam?
Na 100% — nijak. Nasamreč kali vy pieradajecie kudyści svaje źviestki (niejkaj prahramie, botu ci servisu), to ź imi moža tearetyčna zdarycca ŭsio, što zaŭhodna.
Važna prosta być aściarožnymi z tym, kudy vy pieradajecie źviestki, asabliva kali heta moža kaštavać vam svabody abo stvaryć prablemy. Pierad tym, jak pieradać niekudy źviestki, spyniciesia i abdumajcie mahčymyja ryzyki.
«Naša Niva» — bastyjon biełaruščyny
PADTRYMAĆ
Kamientary