Sudovaje pasiadžeńnie pavodle pazovu sustaršyni BCHD Hieorhija Dźmitruka da Biełteleradyjokampanii pryznačana na 12 lutaha.
Sudovaje pasiadžeńnie pavodle pazovu sustaršyni arhkamiteta pa stvareńni partyi «Biełaruskaja chryścijanskaja demakratyja» (BCHD) Hieorhija Dźmitruka da Biełteleradyjokampanii pačniecca 12 lutaha ŭ sudzie Pieršamajskaha rajona Minska.
U pieradačy «Panarama tydnia», jakaja vyjšła ŭ efir 13 śniežnia 2009 hoda na Pieršym nacyjanalnym kanale, u siužecie, pryśviečanym dziejnaści BCHD, byli pakazanyja raźmieščanyja ŭ interniecie zajavy »pradstaŭnic staražytnaj prafiesii Volhi, Leny i Volhi», jakija abvinavacili Dźmitruka ŭ zapazyčanaści za «pasłuhi». U hukavych fajłach nibyta zapisana razmova hetych žančyn lohkich pavodzinaŭ, jakija patrabujuć ad Dźmitruka apłacić pasłuhi ŭ abmien na maŭčańnie.
Dźmitruk u pazoŭnaj zajavie patrabuje pryznać,
što hetyja źviestki nie adpaviadajuć sapraŭdnaści, abvierhnuć ich u toj ža prahramie i spahnać ź Biełteleradyjokampanii ŭ jakaści kampiensacyi maralnaje škody 128 młn rubloŭ.
Pavodle jaho słoŭ, 26 studzienia adbyłosia papiaredniaje pasiadžeńnie pa hetym isku. Jaho praviała sudździa Volha Bahamja.
«Na pracesie prysutničali pradstaŭniki jurydyčnaj słužby Biełteleradyjokampanii i aŭtar siužetu Juryj Prakopaŭ. Z majho punktu hledžańnia, jon zaniaŭ vielmi dziŭnuju pazicyju. Pavodle jaho słoŭ, siužet, jaki vyjšaŭ u efir, — heta jaho asabistaje mierkavańnie. Aŭdyjozapis «Volhi, Leny i Volhi» jon uziaŭ ź internietu, a pakolki siužet — jaho asabistaje mierkavańnie,
praviarać sapraŭdnaść infarmacyi jon nie paličyŭ patrebnym.
Ja ž sa svajho boku nieadnarazova padkreśliŭ, što zakon ab srodkach masavaj infarmacyi abaviazvaje žurnalista praviarać infarmacyju na praŭdzivaść», — skazaŭ Dźmitruk.
Pry hetym, jak paviedamiŭ Dźmitruk,
Prakopaŭ nie zmoh rastłumačyć, dzie jon uziaŭ aŭdyjozapis i nie zmoh dakładna nazvać interniet‑krynicu,ź jakoj była atrymana infarmacyja. Sud zapatrabavaŭ ad pradstaŭnikoŭ Biełteleradyjokampanii pradstavić hetuju infarmacyju da pasiadžeńnia, jakoje pačniecca 12 lutaha ŭ 10 hadzin ranicy, skazaŭ Dźmitruk.
Aktyvist taksama zaznačyŭ, što 22 studzienia sudździa Bahamja admoviła ŭ zadavalnieńni pazovu sustaršyniaŭ arhkamiteta pa stvareńni BCHD Paŭła Sieviarynca i Vitala Rymašeŭskaha da Biełteleradyjokampanii, jakija taksama patrabavali abviaržeńnia infarmacyi, što prahučała ŭ dačynieńni da ich u efiry Pieršaha kanała. «Tamu ja nie dumaju, što sud prymie moj bok», — zaznačyŭ Dźmitruk.
Kamientary