U Minsku prajšła pres-prezientacyja muzyčnaha prajekta «Takoha niama nidzie». Pieśni, stylizavanyja pad 1960-ja, napisaŭ Lavon Volski, a vykanali ich ajčynnyja muzyki i akciory. +foty
U Minsku prajšła pres-prezientacyja muzyčnaha prajekta «Takoha niama nidzie». Pieśni, stylizavanyja pad 1960-ja, napisaŭ Lavon Volski, a vykanali ich ajčynnyja muzyki i akciory.
U straŭni «Kamianica», dzie prachodziła prezientacyja, viadomych ludziej na mietr kvadratny było bolej, čym malekuł kisłarodu. Pa nievialikaj zale straŭni prahulvalisia Uładzimir Puhač i Kacia Pytleva. Za kubačkam hlintviejnu možna było parazmaŭlać z Aleham Harbuzam i Rusiaj. Da Aleha Chamienki stajali čerhi žurnalistaŭ, jakija chacieli na kamieru pahavaryć ź im ab prajekcie. Muzyka ŭ hetych adnosinach skłaŭ kankurencyju samamu aŭtaru idei i tekstaŭ Lavonu Volskamu, choć lider «Pałaca» i praśpiavaŭ na kružełcy tolki adnu pieśniu.
I niachaj sabie nie paŭdzielničali ŭ prajekcie ni Piotra Jałfimaŭ, ni Juryj Dziemidovič, ni Palina Smołava, «a naša sumleńnie čystaje. Nam hetaja rabota pryniesła tvorčaje zadavalnieńnie, radaść supolnaj pracy»,
— napisali muzyki ŭ «Liście ščaścia», jaki razdavaŭsia prysutnym.
Lavon Volski zaklikaŭ usich pačuvacca kamfortniej, bo heta, maŭlaŭ, siabroŭskaja prezientacyja, dla niešyrokaha koła. I paabiacaŭ u krasaviku zładzić vialiki vystup. Dzie buduć praśpiavany nie tolki pieśni z kružełki «Takoha niama nidzie», ale i chity hurtoŭ 1960-ch u vykanańni biełaruskich muzykaŭ. Taki voś adkaz bitłam i kampanii.
Prajekt «Takoha niama nidzie» vyjšaŭ na dvuch dyskach. Na adnym zapisany dvanaccać kampazicyj, a na druhim źmieščany teksty i akordy piesień, fotahalereja, intervju ŭdzielnikaŭ.
Chto z kim zaśpiavaŭ:
1. U.Puhač, Ł.Volski «Takoha niama nidzie»
2. The Anyway! «Nie paśpiavaju»
3. Śviatłana Zielankoŭskaja «Suvory tata»
4. Vitalik Artyst «Džejms Bond»
5. A.Chamienka, K.Pytleva «Rykša»
6. A.Dziarkoŭ, M.Hrycuk «Jahuar»
7. P.Bułatnikaŭ, Ł.Volski «Rola hieroja»
8. H.Chitryk «Moj kapitan»
9. S.Zielankoŭskaja, V.Samusik, Z.Karalčuk «Viedźmy»
10. A.Harbuz «Dziakuj tabie»
11. Rusia, A.Takindanh «Hety čas»
12. Ł.Volski «Daj mnie znak»
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Kamientary