«Što ŭ nas adbyvajecca?» Prarasijskaja aktyvistka Mirsalimava znoŭ raspaviała pra palityčnyja zatrymańni
Prarasijskaja aktyvistka-stalinistka Elvira Mirsalimava apublikavała post, u jakim raskazała pra čarhovaje palityčnaje zatrymańnie «jabaćki», jaki adsiadzieŭ 15 sutak za «ekstremizm» i «straciŭ lubimuju pracu».
«Učora sustreła znajomaha — nie zmahar, navat naadvarot — z pradziaržaŭnych (nie «prarasijskich». «Pradziaržaŭniki», t. zv. «jabaćki», jak praviła, pahłybleńnia rasijska-biełaruskaj intehracyi nie chočuć: u ich tut «biełaruski sacyjalizm u adroźnieńnie ad rasijskaha aliharchizmu » — mienavita tak, u supraćpastaŭleńni… ale «za baćku, za baćku»…), publičny čałaviek u horadzie… adsiedzieŭ 15 «sutak» za «ekstremizm». Straciŭ lubimuju pracu», — raskazvaje Mirsalimava.
Elvira piša, što sudzili «publičnaha čałavieka ŭ horadzie» za niejkija staryja padpiski na kanały, jakija «ciapier pryznanyja ekstremisckimi, a tady davali intervju z cełymi ministrami».
«Padzialilisia ŭražańniami — jak heta nam, «palityčnym», jak nazyvajuć nas supracoŭniki izalatara, spać maroznymi načami na hołaj mietaličnaj škoncy i jak biessensoŭna zaklikać da spraviadlivaści… i kožny raz adno i toje ž pytańnie — «što ŭ nas adbyvajecca, kali zakonapasłuchmianyja hramadzianie, sustrakajučysia, abmiarkoŭvajuć «svaje sutki»?» — dzivicca Mirsalimava.
Niadaŭna Mirsalimava zajaviła, što vydaliła svaje profili ŭ fejsbuku paśla danosaŭ z boku jabaciek i telefanavańnia ź milicyi.
Aktyvistku raniej dvojčy sudzili pa administracyjnych artykułach, jakija vykarystoŭvajucca ŭ Biełarusi dla baraćby z palityčnymi apanientami.
«Ci zastaniecca jon paśla ŭsiaho hetaha «jabaćkam» — voś pytańnie». U Viciebsku sudziać čarhovaha prarasijskaha aktyvista
Azaronak nazvaŭ Mirsalimavu «raspusnaj śvińnioj». Žyhimont: Jon sublimuje
«Pahrozy ad jabaciek syplucca i syplucca». Prarasijskaja aktyvistka Mirsalimava vydaliła svaje akaŭnty ŭ sacsietkach
Paplečnika Karač, deputata Viarchoŭnaha Savieta SSSR Pietrušenku buduć sudzić za «ekstremizm»
Vialikaje intervju z Kryścinaj Mirsalimavaj — siastroj prarasijskaj aktyvistki-stalinistki
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary