Minčanka pasvaryłasia z chłopcam i razhramiła vosiem mašyn na Zybickaj
Ciapier dziaŭčynu buduć sudzić.
21-hadovaja dziaŭčyna pasvaryłasia z chłopcam, paśla čaho adpraviłasia na hałoŭnuju tusovačnuju vulicu stalicy źniać napružańnie. Na praciahu nočy minčanka ŭžyvała ałkahol, pa darozie dadomu kupiła jašče piva, pišuć «Minsk-Naviny».
Uspomniŭšy ab svarcy, dziaŭčyna vyrašyŭ spahnać złość na pryparkavanych pa vulicy Kachoŭskaj aŭtamabilach.
Minčanka adchinuła rukami lusterka zadniaha vidu Geely Emgrand i raźbiła butelkaj linzu. Zatym jana paškodziła bakavyja lusterki Skoda Octavia, Audi A6, BMW X1, Honda CR-V, Honda Civic, Lada Vesta i Renault Sandero. Ahulnaja suma škody skłała biez małoha 2680 rubloŭ.
U adnym z aŭto spracavała sihnalizacyja, paśla čaho dziaŭčyna paśpiašałasia syści. Praŭda, pa darozie joj sustreŭsia patrul milicyi — jaho vyklikaŭ vidavočca. Minčanku zatrymali, a paśla adpuścili pad padpisku.
Dziaŭčyna raniej nie była sudzimaja, ale pryciahvałasia pa administratyŭkach. Sprava ab chulihanstvie, pa jakim joj pahražaje ad hramadskich rabot da troch hadoŭ turmy, pieradali ŭ sud.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary