U Varšavie pjanaja biełaruska pryniesła ŭ balnicu zusim źniasilenaje niemaŭla. A potym sprabavała ź im źbiehčy
Palicyja zatrymała hora-baćkoŭ.
U noč na 22 maja pjanyja žančyna i mužčyna prynieśli ŭ balnicu ŭ centry Varšavy mocna źniasilenaje 10-tydniovaje dzicia.
Daktary vyjavili, što hrudničok vidavočna haładaje — jon važyŭ usiaho paŭtara kiłahrama, u jaho byli bačnyja kostki. Pačuŭšy słovy daktaroŭ, mužčyna i žančyna schapili dzicia i ŭciakli, piša Miejski Reporter.
Supracoŭniki balnicy vyklikali palicyju, na pošuki pary ź dziciem nakiravali niekalki naradaŭ. Nieŭzabavie ŭciekačoŭ znajšli. Dzicia viarnuli ŭ kliniku. Dzicia było nastolki źniasilenaje, što miedyki spačatku bajalisia vieźci jaho ŭ dziciačuju balnicu. Adnak paśla ŭmiašańnia vajavodskaha čynoŭnika chutkaja zabrała dzicia — jaho špitalizavali.
Maci akazałasia hramadziankaj Biełarusi, jaje razam sa spadarožnikam zatrymali. U pary vyjavili adno pramile ałkaholu ŭ vydychanym pavietry. Mužčynu i žančynie vystaŭlena abvinavačvańnie ŭ tym, što jany padvierhnuli dzicia niebiaśpiecy.
Pa hetym artykule im pahražaje ad 3 miesiacaŭ da 5 hadoŭ turmy. Spravaj zajmajucca palicyja i prakuratura.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary
Intieriesno čto by dochtary rabili, kśli by nie čynounik??)))