Budaŭnictva žyłoha rajona Paŭnočny pačniecca ŭ Minsku ŭ 2010 hodzie
Budaŭnictva novaha žyłoha rajona Paŭnočny pačniecca ŭ Minsku ŭ 2010 hodzie. Pra heta paviedamiŭ namieśnik staršyni Minharvykankama Andrej Jasiučenia siońnia na pres‑kanfierencyi ŭ harvykankamie.
U Minsku zaprajektavany i znachodziacca na ekśpiertyzie prajekty raźvićcia novych rajonaŭ Paŭnočny, Ščomyślica, u addalenaj pierśpiektyvie (2011) rajona Dziehciaroŭka», — skazaŭ namieśnik staršyni harvykankama. Na hetych terytoryjach pabudujuć novyja žyłyja rajony z usioj nieabchodnaj infrastrukturaj.
«U płanach Minska — budaŭnictva rajona Paŭnočny. Płanujecca, što pazakvartalnyje sietki i kamunikacyi tut pačnuć budavać užo viasnoj.
Uźviadzieńnie pieršaha žyłoha doma ŭ Paŭnočnym pačniecca ŭ hetym hodzie, a masavaje budaŭnictva žylla — u pačatku 2011 hoda», — skazaŭ Andrej Jasiučenia.
U druhim paŭhodździ hetaha hoda płanujecca pačać budaŭnictva mahistralnych sietak u Ščomyślicy: uźviadzieńnie pieršaha žyłoha doma ŭ hetym rajonie namiečana na druhoje paŭhodździe 2011 hoda.
Kamientary