27 studzienia ŭ Minsk z trochdzionnym vizitam prybyvaje kiraŭnik administracyi prezidenta Irana Esfandzijar Rachim Mašai.
Jak paviedamili ŭ pasolstvie Irana ŭ Biełarusi, prahrama vizitu praduhledžvaje sustrečy z prezidentam Alaksandram Łukašenkam i kiraŭnikom jaho administracyi Uładzimiram Makiejem, a taksama ź pieršym vice‑premjeram Uładzimiram Siamaškam i kiraŭnikom MZS Siarhiejem Martynavym. Padčas vizitu płanujecca abmierkavać uvieś kompleks dvuchbakovych palityčnych i handlova‑ekanamičnych adnosinaŭ, zaznačyli ŭ pasolstvie.
30 krasavika 2009 hoda Alaksandr Łukašenka, sustrakajučysia ŭ Minsku z kiraŭnikom sudovaj ułady Irana Machmudam Chašemi Šachrudzi, zajaviŭ, što Biełaruś vyznačyła Iran jak svajho «hałoŭnaha partniora ŭ hetym rehijonie». «Ja b vielmi chacieŭ, kab naša supracoŭnictva pahłyblałasia i pašyrałasia, — skazaŭ prezident Biełarusi. — My akreślili mnostva kankretnych prajektaŭ, ale ciapierašni tavaraabarot, jaki tolki nabliziŭsia da 100 młn. dalaraŭ, — heta vielmi mała. Tamu my raźličvajem na bolšuju aktyŭnaść u śfiery handlova‑ekanamičnaha supracoŭnictva».
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary