Pamier vašaj talii moža skazać značna bolš pra stan vašaha zdaroŭja, čym vaha. Apošnija daśledavańni vyjavili, što ludzi ź vialikaj talijaj bolš schilnyja da infarktu, raku, dyjabetu i niekatorych inšych zachvorvańniaŭ.
Letaś u śniežni medyčnaja škoła ŭ Harvardzie abśledavała 44 tysiačy medyčnych siostraŭ i pryjšła da vysnovy, što navat žančyny z narmalnaj vahoj majuć u dva razy bolšuju ryzyku pamierci ad raku ci chvarobaŭ serca, kali ŭ ich šyrokaja talija. Analahičnaja ryzyka i ŭ mužčynaŭ.
Časopis kliničnaj epidemijalohii padaje, što pamier talii dastatkova praŭdziva śviedčyć pra padvyšanuju mahčymaść hipertanii, dyjabetu i padvyšanaha ŭzroŭniu chalesterynu.
Daśledavańni paćvierdzili, što ryzyka dla zdaroŭja pačynaje padvyšacca, kali ŭ žančyny talija dasiahaje
Praŭda, zaŭvažaje New York Times, heta ličby adnosnyja, i jany nie padychodziać dla zanadta vysokich i zanadta nizkich ludziej, dla dziaciej, a taksama pradstaŭnikoŭ niekatorych etničnych hrupaŭ. Naprykład,
u japoncaŭ ryzyka rezka pavialičvajecca, kali pamier talii ŭ mužčyn dasiahaje 85 santymetraŭ, a ŭ žančyn — 90 santymetraŭ.
Asabliva dobrym pakazčykam stanu zdaroŭja źjaŭlajecca pamier talii ŭ maładych ludziej.
Uvohule, isnuje taki pryncyp: pamier vašaj talii pavinien być mienš pałovy vašaha rostu.
Praŭda, šyrokaja talija nie zaŭsiody adlustroŭvaje drenny stan zdaroŭja. Prykładam mohuć być barcy sumo, jakija admysłova «nahulvajuć» tłušč pad skuraj.
Dla zvyčajnych ža ludziej najaŭnaść tłušču na talii, ź vialikaj stupieńniu vierahodnaści, śviedčyć pra najaŭnaść tłušču vakoł vašaha serca, a značyć, vam varta prajści abśledavańnie i spraŭdzić ŭzrovień chalesterynu.
Na pamier talii ŭpłyvaje i stres — u bok pavieličeńnia.I apošniaje: daktary sychodziacca ŭ mierkavańni, što najlepšym srodkam dla źmianšeńnia vahi zastajucca fizyčnyja praktykavańni.
Kamientary