Amal 190 turystaŭ z Hiermanii akazalisia začynienymi ŭ sałonie samalota, tempieratura ŭ jakim pieravysiła +50°S
Rejs z tureckaj Antalii ŭ Miunster vykonvała avijakampanija Mavi Gök Airlines. 189 pasažyraŭ faktyčna akazalisia ŭ pastcy, kali ŭ samalota Boeing 737-800 jašče da ŭźlotu admoviŭ kandycyjanier. Incydent adbyŭsia 6 červienia, adnak viadoma pra jaho stała tolki zaraz, piša Bild.
«Kali my padnialisia na bort, dyk adrazu zaŭvažyli, što ŭ samalocie horača. Kandycyjanier złamaŭsia, a samalot amal hadzinu prastajaŭ na śpiakocie. Termomietr padniaŭsia da šakujučych 52 hradusaŭ», — raspavioŭ adzin z pasažyraŭ Daminik Jansien.
Pavodle jaho słoŭ, najciažej u sałonie było maleńkim dzieciam. Žonka Jansiena Nensi stała abmachvać svajo dzicia viejeram, adnak heta nie dapamahała.
«Dzieci stanavilisia ŭsio hučniej i hučniej, usie płakali. Situacyja była vielmi niebiaśpiečnaj. Usie da śmierci bajalisia za svaich dziaciej, usich achapiła panika», — dadała Nensi.
Adzin z pasažyraŭ — tureckamoŭny doktar — źviarnuŭsia da ekipaža sa słovami ab tym, što dzieciam pahražaje realnaja niebiaśpieka, kali kandycyjanier nie zapracuje. Piłot usio roŭna vyjechaŭ na ŭźlotna-pasadačnuju pałasu, adnak paśla hetaha vyrašyŭ raźviarnucca i viarnuŭsia ŭ terminał aeraporta.
«Avijakampanija nie prapanavała nam nijakaj dapamohi. Nijakaj ježy ci vady, naohuł ničoha», — paviedamiła Nensi Jansen.
U vyniku pasažyry zmahli vylecieć tolki praz čatyry hadziny.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary