Hramadstva1515

Deputatka Pałaty pradstaŭnikoŭ ličyć, što aktyŭnaść u sacsietkach śviedčyć pra dehradacyju asoby

Niadaŭna pierapryznačanaja ŭ Pałatu pradstaŭnikoŭ deputatka Iryna Daŭhała ŭ intervju haziecie «Źviazda» aburyłasia tym, što «my addajom svajo žyćcio nie prosta na publiku, ale i na publičny kantrol», i ŭ toj ža čas «pierastali stvarać siamiejnyja fotaalbomy».

Iryna Daŭhała. Fota: BiełTA

57-hadovaja deputatka, u bijahrafii jakoj byŭ pieryjad, kali jana była adkaznaj za ideałohiju ŭsioj Homielskaj vobłaści, aburajecca:

«Čałaviek siońnia pračynajecca i pierš za ŭsio macaje kala paduški smartfon, ź jakim niekalki hadzin tamu zasynaŭ. Dziakujučy sacyjalnym sietkam pra kožnaha z nas usio viadoma: dzie hulajem, što jamo, z kim sustrakajemsia, što kuplajem, čym cikavimsia…

Ja naohuł liču, što, kali čałaviek vykładaje svajo asabistaje žyćcio, da drobiaziaŭ, na ŭsieahulny ahlad, heta śviedčyć ab peŭnaj dehradacyi asoby».

Pry hetaj nahodzie Iryna Daŭhała raskazała historyju pra toje, jak paspračałasia z maładoj znajomaj nakont sacyjalnych sietak, a dziaŭčyna adkazała joj, što maje prava publikavać na svaich staronkach što zachoča.

«Pišycie, ale kali vaša staronka dastupnaja ŭsim, to heta ŭžo publičnaje vykazvańnie. I ci varta vystaŭlać na ŭsieahulny ahlad toje, što pavinna zastavacca ŭnutry mižasobasnych adnosin, siamji, doma? Usie svaje pieražyvańni? My addajom svajo žyćcio nie prosta na publiku, ale i na publičny kantrol, abmierkavańnie i asudžeńnie. U vyniku ŭ nas dla samich siabie ničoha nie zastajecca», — śćviardžaje deputatka.

Akramia taho, jana ličyć, što sučasnyja technałohii «vymyvajuć siamiejnyja kaštoŭnaści», i abvinavaciła Instagram u tym, što biełarusy «pierastali stvarać siamiejnyja fotaalbomy».

Uradženka Kryčava Iryna Daŭhała zrabiła karjeru ŭ Homieli pa kamsamolskaj linii, zatym pracavała ŭ kamisijach pa spravach niepaŭnaletnich, a taksama kiraŭnicaj abłasnoha adździeła ideałohii. U 2019 hodzie jaje pryznačyli ŭ Pałatu pradstaŭnikoŭ, a ŭ 2024-m paličyli hodnaj pierapryznačeńnia. Ciapier žančyna — namieśnica staršyni pastajannaj kamisii PP NS pa pravach čałavieka, nacyjanalnych adnosinach i srodkach masavaj infarmacyi.

Kamientary15

  • .
    13.06.2024
    Nado žie, dieputat pałatki, da jeŝie i idieołoh v prošłom, izvlek izo rta čto-to razumnoje. Nado zapomniť etot momient.
  • Jazep
    13.06.2024
    Siabroŭstva ŭ pałatcy u časy kryvavaj tatalitarnaj dyktatury starejučaha saŭkovaha marazmatyka, jaki sa svaimi karnikami katuje i zabivaje biełarusaŭ, ukraincaŭ i palakaŭ - voś heta sapraŭdnaja prykmieta dehradacyi.
  • ddaviedka
    13.06.2024
    Połnosťju s nieju sohłasien... Imienno takich hipieraktivnych v socialnych sietiach ponabrali v etot sozyv pałatki.

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Hałoŭnaje
Usie naviny →