Izrailskija vajskoŭcy vykarystoŭvali trebušet, łuk i streły dla ŭdaraŭ pa Livanie
Izrailskija sałdaty vykarystoŭvajuć trebušet dla zapusku zapalnych pryład pa Livanie, kab pačać pažary pa inšy bok miažy.
Vajskoŭcy CACHAŁ zadziejničali dla ŭdaraŭ pa Livanie siaredniaviečnuju zbroju — trebušet i łuk sa strełami, piša Kommersant.
Takoje ŭzbrajeńnie nie źjaŭlajecca častkaj standartnaha arsienała Armii abarony Izraila i, jak miarkujecca, było sabrana sałdatami-reziervistami, dysłakavanymi na miažy, skazaŭ nienazvany izrailski vajenny čynoŭnik.
Trebušet — kidalnaja mašyna dla abłohi haradoŭ, jakaja vykarystoŭvałasia ŭ Siarednija viaki. U adroźnieńnie ad katapulty trebušet vykarystoŭvaje enierhiju hruzu, a nie dziejańnie ad skaračeńnia naciahnutaj ciecivy. Hety vid uzbrajeńnia straciŭ značnaść paśla źjaŭleńnia ŭ XIV-XV stahodździ parachavoj artyleryi.
Izrailskija sałdaty vykarystoŭvajuć trebušet dla zapusku zapalnych pryład pa Livanie, kab pačać pažary pa inšy bok miažy. Pamiežnaja zona Livana pakryta hustoj raślinnaściu.
Izrailski hramadski viaščalnik Kan sa spasyłkaj na Vojska abarony Izraila paviedamiŭ, što vykarystańnie trebušeta — heta «miascovaja inicyjatyva», jakaja nie atrymała šyrokaha raspaŭsiudu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary