U Rasii troch synoŭ śviatara abvinavacili ŭ dziaržzdradzie z-za sproby źjechać vajavać na baku USU
Kryminalnaja sprava suprać Alaksieja, Iaana i Cimafieja Aščavułavych pastupiła ŭ Druhi zachodni akruhovy vajskovy sud.
Ich abvinavačvajuć pa troch artykułach Kryminalnaha kodeksa: zamach na dziaržzradu, sprobu niezakonnaha pierasiačeńnia miažy i sprobu ŭdziełu ŭ dziejnaści terarystyčnaj arhanizacyi. Śledstva śćviardžaje, što bratoŭ Aščavułavych zatrymali ŭ Kurskaj vobłaści, kali jany sprabavali pierasiekčy miažu z Ukrainaj, kab źjechać vajavać na baku USU, piša «Dožd́».
Historyja siamji Aščavułava paśla publikacyi ŭ rehijanalnych ŚMI ŭ 2014 hodzie vyklikała šyroki hramadski rezanans. U siamji śviatara Ihara Aščavułava było šmat dziaciej. Žychary miascovaj vioski Aziory adznačali, što ich časta bačyli hałodnymi, jany nie chadzili ŭ škołu. Zakłapočanyja ich stanam susiedzi raskazvali, što sprabavali dapamahčy siamji, ale śviatar nie prymaŭ dapamohi.
U 2014 hodzie kamisija z apieki naviedała dom Aščavułava i zabrała dzieviać niepaŭnaletnich dziaciej z-za «adsutnaści ŭmoŭ dla ich pražyvańnia». Ich adpravili ŭ sacyjalna-reabilitacyjny centr, ale ŭžo praź niekalki tydniaŭ dziaciej viarnuli ŭ siamju, pierasialiŭšy ich u inšy dom na čas ramontu staroha, jakim zaniałasia miascovaja administracyja.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary