Hramadstva

Palitviazień Hundar za kratami piša vieršy, ale ich nie prapuskajuć na volu

Palitviazień z Baranavič, fihurant spravy ab «teraryźmie ŭ składzie hrupy Aŭtuchoviča» Uładzimir Hundar, rehularna słaŭ svajakam u listach vieršy. Pavodle blizkich da siamji Hundara krynic, takich vieršaŭ jany atrymali bolš za 100. Ale voś užo vośmy miesiac vieršy ad Uładzimira da svajakoŭ nie dachodziać, piša «Radyjo Svaboda».

 Uładzimier Hundar. Archiŭnaje fota
Uładzimir Hundar

Apošni vierš Hundara atrymali ŭ listapadzie 2023 hoda, jon nazyvaŭsia «Luboŭ, nadzieja i viera».

…Napiaredadni ciełahreječku atrymaŭ —
Płoć maju jana sahravaje.
Na dvare vosień hłybokaja —
Dni karotkija i ciomnyja.
Vosień hłybokaja i ŭ dušy,
Ale duša nie prymaje ciemry.
Nadziejaj žyvie duša —
Duša viasny čakaje.
Luboŭ, nadzieja i viera
Sahravajuć dušu mnie.

Pryčyny, čamu vieršy Uładzimira Hundara pierastali dachodzić na volu, jahonym rodnym nieviadomyja.

«Apošni vierš pryjšoŭ z mahiloŭskaj turmy, kali jaho tolki tudy pieraviali z kałonii, letaś u listapadzie. A potym listy pačali prychodzić ź pierapynkami, heta svajaki pa numarach zaŭvažyli. Pryčym vyśvietliłasia, što nie dachodziać mienavita tyja listy, u jakich vieršy. Tady jon musiŭ pierastać pisać vieršy i ŭ vyniku ciapier listy dachodziać pa paradku, ale bieź vieršaŭ», — paviedamiła krynica.

Krajaznaŭca z Baranavič Uładzimira Hundara asudzili na 20 hadoŭ źniavoleńnia pavodle čatyroch artykułaŭ Kryminalnaha kodeksa, siarod jakich «zamach na zmovu z metaj zachopu ŭłady niekanstytucyjnym šlacham» i «abraza pradstaŭnika ŭłady».

Svajoj viny Uładzimir Hundar nie pryznaŭ, biełaruskija pravaabaroncy ŭklučyli jaho ŭ śpis palityčnych źniavolenych. Da suda Hundara, u jakoha niama adnoj nahi, trymali ŭ niekalkich śledčych viaźnicach, u tym liku ŭ karcary.

Adbyvać pakarańnie palitviazień pačaŭ u kałonii ŭ Babrujsku, adkul letaś jaho pieraviali na turemny režym u mahiloŭskuju turmu № 4.

Pra ŭmovy ŭtrymańnia i zdaroŭje Uładzimiera Hundara viadoma niašmat.

«Siadzić u adzinočcy. Raz na miesiac dajuć zvanok. Dachodziać listy. Piša pra knihi, jakija pračytaŭ, pra pryrodu i nadvorje, uspaminaje byłoje žyćcio. A pra zdaroŭje nie piša, bo nie pryvyk skardzicca. Toje, što jaho pazbavili mahčymaści pisać vieršy, dla jaho vielmi pakutliva», — paviedamiła krynica pra Uładzimira Hundara.

U 2023 hodzie palitviazień Uładzimier Hundar za turemny vierš «U śviecie, jakim by jon ni byŭ…» byŭ uhanaravany premijaj imia Franciška Alachnoviča, jakoj adznačajucca litaraturnyja tvory, napisanyja ŭ źniavoleńni ci pra źniavoleńnie.

Kamientary

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ2

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami30

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →