Mierkavańni1212

Ci rychtuje Łukašenka pierajemnikam Kolu?

U novym vypusku TOKu historyk i analityk Alaksandr Frydman vykazaŭ svoj pohlad na los małodšaha syna palityka.

Mikałaj Łukašenka padčas vizitu ŭ Manholiju, červień 2024. Skrynšot z Puła piervoho

Kali ŭjavić, što Łukašenka rašyŭsia b na tranzit ułady ad baćki da syna, to najbolš imaviernym pierajemnikam staŭ by Mikałaj, razvažaje Frydman.

«U jaho tolki adna mahčymaść — heta Mikałaj, asabisty jaho prajekt. Jon atrymlivaje dobruju adukacyju, vyvučaje zamiežnyja movy, šmat z Łukašenkam jeździć. Heta jaho sapraŭdny prajekt».

@tokbelarus Ci možna pieramahčy dyktaturu mirnymi pratestami ŭ 21 stahodździ? Razvažaje Frydman #politika #biełaruś #biełaruśnovosti #novostibiełarusi #łukašienko ♬ snowfall (Sped Up) - Øneheart & reidenshi

Ale małodšy syn jašče vielmi małady dla pieradačy ŭłady. U toj ža čas, zaŭvažaje analityk, sam Łukašenka nie ŭpeŭnieny ŭ tym, što hetaha choča Mikałaj.

Frydman nazyvaje Mikałaja samym nadziejnym dla Łukašenki varyjantam:

«Adnosiny pamiž baćkami i dziećmi byvajuć roznyja. Ale što tyčycca asabistaj biaśpieki i harantyj taho, što kurs budzie praciahvajecca, to tut šancy samyja vialikija navat u paraŭnańni z tymi, chto ŭdzielničaje ŭ stvareńni kultu Łukašenki».

Analityk nie ŭpeŭnieny, što navat taki vonkava całkam addany Łukašenku čałaviek, jak Natalla Kačanava, u vypadku prychodu da ŭłady całkam praciahnie jaho kurs.

Na pytańnie, čamu Mikałaj, čałaviek novaha pakaleńnia, budzie całkam trymacca palityki baćki, Frydman zaŭvažyŭ, što taja sacyjalizacyja, jakuju jon atrymlivaje, i trajektoryja, pa jakoj jaho ruchaje Łukašenka, nie havoryć pra toje, što ŭ Mikałaja mohuć być niejkija demakratyčnyja pohlady. Analityk nahadvaje, što Łukašenka sam pravodziŭ ź Mikałajem šmat času, tamu možna ŭjavić, što toj znachodzicca pad vielmi značnym upłyvam baćki.

Frydman u jakaści histaryčnaha prykładu pryvioŭ prezidenta Siryi Bašara Asada. Asad-starejšy płanavaŭ u jakaści svajho pierajemnika na pasadzie prezidenta starejšaha syna, brata Bašara. Małodšamu synu baćka dazvoliŭ zajmacca tym, čym jon choča.

Toj atrymaŭ adukacyju aftalmołaha ŭ Vialikabrytanii. Ale paśla zaŭčasnaj śmierci starejšaha brata Bašara ŭ aŭtakatastrofie baćka adklikaŭ Bašara z Łondana i pačaŭ chutkimi tempami rychtavać jaho ŭ svaje pierajemniki.

Paśla śmierci baćki, adznačaje historyk, Asad-małodšy šmat u čym praciahnuŭ kurs svajho baćki. «Zrazumieła, što heta nie identyčna. Ale pierajemnaść zachavałasia».

Ale na siońniašni momant, zaŭvažaje Frydman, ničoha nie śviedčyć ab tym, što Łukašenka chacieŭ by zrabić ź Mikałaja budučaha kiraŭnika krainy.

«Łukašenka, viedajučy, što heta jaho syn, i dumajučy ab tym, kab toj byŭ ščaślivym, mahčyma, nie žadaje tak aktyŭna jaho pryciahvać», — razvažaje analityk.

Ale situacyja moža źmianicca ŭ budučym i vymusić Łukašenku pajści na taki varyjant.

«Jość adzin faktar, jaki my pavinny pry našych razvažańniach uličvać. Łukašenka — dyktatar, ale jon daŭno ŭžo nie małady dyktatar. Čałaviek užo ŭ stałym uzroście. Jon nie robicca maładziejšym i zdaraviejšym. (…) Uźniknuć surjoznyja prablemy, i Łukašenka nie zmoža vykonvać surjoznyja abaviazki. Jamu treba budzie terminova šukać varyjanty.

Na dadzieny momant pa-raniejšamu takich varyjantaŭ niama. Takoha vidavočnaha płana B na tuju situacyju, kali jon nie ŭ stanie budzie kiravać, u Łukašenki niama. I jon nie choča navat pra heta razvažać».

Hladzicie całkam:

Kamientary12

  • Hraždanin RB
    18.06.2024
    A mnie nravitsia Kola. Kak minimum on krasiviej bati raz v 10
  • Śmiešnyja vy ŭsie
    18.06.2024
    Jak maskva skaža tak i budzie, kaho pastavić siudy, toj i budzie kiravać.
  • Lejcar korkavy
    18.06.2024
    Hišpanski Franka taksama ličyŭ svajho syna pradaŭžalnikam, ale toj zrabiŭ usio inakš.

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

Pra što maŭčaŭ Piotra Sierhijevič2

U Minsku ŭčora zatapiła sałon pryhažości. Jon całkam syšoŭ pad vadu VIDEA1

Andreju Kudziku ź Vilejki dali jašče čatyry hady kałonii1

U Dniapry ŭ rybie zavioŭsia strašny parazit. Pierachodzić na čałavieka!1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →