Hramadstva66

«Na ikoncy byŭ niejki zialony čorcik». Biełarus raspavioŭ, jak znajšoŭ špijonskuju prahramu na telefonie 

Jana atrymała dostup da jaho pierapiski i videa-paviedamleńniaŭ.

Pieršaja evakuacyja pinskaha aktyvista i pravaabaroncy Alaksandra Ramanoviča sarvałasia praz prahramu-špijona na jaho telefonie. Mužčyna ličyć: ustalavali jaje siłaviki padčas pieratrusu.

Telefon Alaksandra ŭ efiry ANT

Alaksandr raspavioŭ «Našaj Nivie», što paśla taho, jak vyjšaŭ ź IČU, adrazu pravieryŭ telefon. Jaho cikaviła, ci nie ŭstalavali siłaviki špijonskuju prahramu, ale ničoha niezvyčajnaha nie zaŭvažyŭ.

Nasamreč, Alaksandr nie asabliva vieryŭ, što na jaho hadžecie moža być špijon. Siłaviki cikavilisia jaho telefonam padčas pieratrusu, bo šukali tam niejki kampramat. Nie znajšoŭšy nijakaj kramoły, jany amal što stracili cikavaść da devajsa. Navat hatovy byli pakinuć jaho doma, ale ŭ vyniku ŭsio zabrali ŭ IČU.

— Telefon nie addavali ni na jakuju ekśpiertyzu, jaho prosta apiačatali. Addali adrazu, kali ja vychodziŭ ź IČU.

Ciapier pravaabaronca ŭpeŭnieny: ustalavali špijonskuju prahramu jamu padčas pieratrusu. Jašče raz pravieryć telefon Alaksandr vyrašyŭ pierad pieršaj sprobaj evakuacyi. Ale na hety raz dystancyjna źviarnuŭsia pa dapamohu da śpiecyjalista z «Bajsoła».

— A voś śpiecyjalist adrazu źviarnuŭ uvahu na prahramu, jakaja była padpisana Security System — na ikoncy byŭ niejki zialony čorcik. Ja pravieryŭ, da čaho prahrama mieła dostup.

Vyśvietliłasia, što dziakujučy hetaj prahramie siłaviki zmahli spampoŭvać sabie z telehramu Alaksandra jaho pierapisku, hałasavyja i videa-paviedamleńni. Zvyčajnyja zvanki ŭ miesiendžary špijon nie zapisvaŭ.

Ekśpiert paraiŭ Alaksandru spačatku skasavać usie dazvoły dostupu dla prahramy, a potym vydalić jaje. U chutkim časie paśla hetaha pravaabaroncu znoŭ zatrymaŭ HUBAZiK, jaki, kaniešnie, viedaŭ pra toje, što mužčyna płanuje ŭciačy.

Krychu paźniej skrynšoty pryvatnaj pierapiski i videa-paviedamleńni źjavilisia ŭ prahramie «Budzie dapoŭniena…» na ANT.

Što moža prahrama-špijon i jak jaje vydalić?

Inicyjatyva «Kibier Babior» viedaje pra niekalki padobnych vypadkaŭ. Jany adznačajuć, što špijonskija prahramy ŭstaloŭvali paśla atrymańnia fizičnaha dostupu da telefona. Vypadkaŭ, kab biełaruskija siłaviki zasłali ich dystancyjna, nieviadoma.

«Padobnyja prahramy maskirujucca pad dadatki dla biaśpieki pryłady. Jany mohuć zvacca Security System, abo Android Security Services, abo Samsung Security i hetak dalej. Byvaje, što ŭ ich naźvie sustrakajucca pamyłki nakštałt servises zamiest services, što moža dapamahčy adroźnić ich, tak što raim źviartać na takoje ŭvahu.

Pryncyp pracy takich dadatkaŭ adnolkavy: jany atrymlivajuć dostup da ŭsiaho źmieściva telefona, naprykład, miescaznachodžańnia, pamiaci, zvankoŭ, kalendara, i ŭ tym liku dostup da mikrafona i kamiery pryłady, heta značyć mohuć prasłuchoŭvać i nazirać za tym, što adbyvajecca na devajsie».

Inicyjatyva rekamiendujem usim, čyj telefon pabyvaŭ u rukach siłavikoŭ, praviarać jaho na padobnyja prahramy. A kali znajšli — admianiać usie vydadzienyja prahramaj dazvoły, dostupy i vydalać takija dadatki. Idealny varyjant — skinuć telefon da zavodskich naład. Heta dapamoža pazbavicca ad takich prahram.

Kamientary6

  • Hanarovaja Doška
    20.06.2024
    IT, chech. ciapier jašče i TykTok ad kitajskaha haspadara pujła pchajuć u kožnuju navinu na ŭsich "apazicyjnych" sajtach.

    Rabić takoje jak mesandžar darečy nichto nie budzie. Heta nie sajcik dla vybaraŭ JER zrabić - heta surjozny biznes, a tam hałoŭnaje prybytak. A ź biełarusaŭ na takim nie zarobiš - jany žabraki. I specsłužbaŭ u ich niama z narmalnym finansavańniem jakija b takoje zrabili jak FSB zrabiła telehram (ja maju na ŭvazie specsłužby mienavita biełarusaŭ, a nie łukašystaŭ).
  • Zmahar
    20.06.2024
    Łukašizm - antinarodnyj diktatorskij, fašistskij riežim!
  • TUT.EU®
    20.06.2024
    Hanarovaja Doška, pra jakoje finansavańnie havorka? Kupić damen i zapuścić čat biez cenzury? Prosta na hetaje nichto nia pojdzie, pa-za cebieram chalavy apyniecca ceły statak z umiacinami ad furažki i "lidaraŭ" nievierahodnych. A pracavać ich nie navučyli, buduć i nadalej zamiest pryvatyzacyi vas karmić - "baraćboj" za chierviedaješto.

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ2

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami29

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →