Kultura55

Z 22 červienia biełarusy śviatkujuć Kupalle. Dzie sioleta ŭ Biełarusi i za miažoj raskładuć vohniščy?

Nabližajecca Kupalle — hałoŭnaje dachryścijanskaje letniaje śviata ŭ honar soncastajańnia, najvyšejšaha roskvitu ziamli i pryrody. Reform.news adšukaŭ najbolš cikavyja prahramy śviatkavańnia z abaviazkovym vohniščam, da jakich možna dałučycca ŭ roznych kutkach śvietu.

Biełaruś

Kupalle ŭ Aziarcy

22 červienia ŭ muziei narodnaj architektury i pobytu ŭ Aziarcy śviatkujuć Kupalle.

Čakajecca: placieńnie viankoŭ, kupalskaje šeście z tradycyjnymi pieśniami; karahody, hulni, skoki praz vohnišča; varožby na viankach i zielaninie; čaradziejnyja kazki; majstar-kłas pa vyvučeńni kupalskich piesień; majstar-kłas pa tradycyjnym tancam pad biełaruskija narodnyja instrumienty; majstar-kłas pa dekory z travy; majstar-kłas pa lalkach z travy; vystupleńni falkłornych kalektyvaŭ.

«Śviata sonca» ŭ Dudutkach

Fiestyval «Śviata sonca» projdzie ŭ Dudutkach 22 červienia. Na scenie vystupiać hurty «Roskvit», «Huŕba», «KaS», «Sarmaty», Ivan Kirčuk, Fishtank, Dudariev, «Plemia», EvthanaziA, «Ciemra». Adbudziecca vohniennaje šou. Udzielničajuć Kresiva, Kietri, Insane, Teatr Etere, «Maory Atoma», Alaksandr Koŭzik.

Taksama buduć pracavać etnaplacoŭka, ramiesnyja majsterni, staradaŭni kirmaš, abradavaja placoŭka, prastora dla spartyŭnych dy nastolnych hulniaŭ, kupalski kvest i teatralnaja scena, interaktyŭnyja placoŭki i fudkort. A apoŭnačy adbudziecca fakielnaje šeście da raki Pcič, na bierazie jakoj vas čakaje zdabyča žyvoha ahniu i zapalvańnie kupalskaha vohnišča.

Kvitki tut.

Polšča

Kupalle ŭ Aŭhustovie

Naprykancy tydnia, z 21 pa 23 červienia, biełarusaŭ Biełastoka tradycyjna kličuć śviatkavać Kupalle na bierazie voziera Biale kala Aŭhustova.

U prahramie tradycyjnyja pieśni i tancy, hulni, sapraŭdnaje kupalskaje vohnišča. Košt udziełu ŭ śviacie: ad 10 da 20 złotych.

Rehistracyja tut.

Dabracca možna na svaim aŭto ci rejsavym aŭtobusam ź Biełastoka (z aŭtavakzała Aŭhustova vas daviazuć da miesca śviatkavańnia).

«Vianki biełaruskija» na bierazie Visły

22 červienia ŭ Varšavie na bierazie Visły a 16.00 raspačniecca śviatkavańnie Kupalla «Vianki biełaruskija».

Abiacajuć śpievy, abradavyja tancy pad apiekaj najlepšych profi, placieńnie viankoŭ i šukańnie paparać-kvietki. Zładziać łatareju, fotasiesiju i konkurs na najlepšy nacyjanalny stroj. Praviaduć nienaviaźlivuju i efiektnuju kancertnuju prahramu, interaktyŭ i volny mikrafon.

KUPALLE VARUŠNIAK u Varšavie

29 červienia ŭ Varšavie projdzie kupalski Varušniak. U 12.00 u kłubie REJS (Piotra Bardowskiego, 2A) raspačniecca vialikaje śviata muzyki, flirtu, ahniu i kachańnia. Rychtujuć vialikaje vohnišča, tradycyjnyja śpievy, kupalskija zabavy i 24 hadziny muzyki i tancaŭ. Try sceny, 30 artystaŭ i sutki muzyki non-stop. Kvitki koštam ad 80 złotych pa spasyłcy.

Kupalski piknik u Hdańsku

22 červienia z 15:00 Podleśna Polana śviatkujuć Kupalle.

U prahramie Muzyki «Doma suviazi» z akustyčnym setam, śpiavačka Kietievan, tancy «Kapela Tryhradzka», aŭtar-vykanaŭca piesień, šoŭmen Alaksandr Pamidoraŭ, bard CharlyBLR, interaktyŭnaja Kupalskaja i animatary dla dziaciej, 2 placoŭki dla hulniaŭ.

Čechija

Kupalle ŭ Prazie

U subotu, 22 červienia, supołka «Pahonia» i Biełaruskaje tancavalnaje tavarystva ŭ Prazie zaprašajuć biełarusaŭ Čechii śviatkavać Kupalle.

U prahramie placieńnie viankoŭ, biełaruskija narodnyja hulni i tancy, raspalvańnie kupalskaha vohnišča, śpievy ŭ karahodzie, hulni i volnyja zabavy.

Hiermanija

Kupalle ŭ Bremienie

U subotu, 22 červienia, biełarusy Bremiena śviatkujuć Kupalle.

Čakajecca muzykalna-zabaŭlalnaja prahrama na pryrodzie, majstar-kłasy i sumiesny piknik. Hościa i viadoŭca — Vieranika Kruhłova, kiraŭnica hurta Kriwi.

Pa biełaruskaj tradycyi pieravaha addajecca biełamu ŭ spałučeńni z čyrvonym, a taksama lubomu śvietłamu koleru. Vitajucca vyšyvanki i narodnyja stroi!

Vialikabrytanija

Kupalle sa «Skarynaŭkaj» u Łondanie

U subotu, 22 červienia z 16.00 da 21.00 anhła-biełaruskaje tavarystva i Biełaruskaja biblijateka i muziej imia Franciška Skaryny zaprašajuć na śviatkavańnie Kupalla ŭ sad Skarynaŭskaj biblijateki.

U prahramie — tradycyjnaje placieńnie viankoŭ, upryhožvańnie kupalskaha koła, śpievy i skoki praz vohnišča.

Uvachod — prapanavanaje minimalnaje achviaravańnie: dla siabroŭ ABT — 7 funtaŭ, dla inšych naviedvalnikaŭ — 10 funtaŭ.

ZŠA

Kupalle ŭ Łos-Andželesie

U niadzielu, 23 červienia, biełarusy Łos-Andželesa, Orandž-Kaŭnci i San-Dyjeha śviatkujuć Kupalle na plažy.

U prahramie placieńnie viankoŭ, śpiavańnie biełaruskich narodnych piesień, narodnyja tancy, hulni, spabornictvy pa valejbole, zapalvańnie kupalskaha vohnišča, dziciačaja prahrama.

Kamientary5

  • Jazafat
    21.06.2024
    Biełarusy - pahancy...
  • Pahaniec
    21.06.2024
    Žyvie Jaryła!
  • Prosta žychar
    22.06.2024
    Pahaniec, Jaryła nie byŭ ahulnabiełaruskim (u sensie raspaŭsiudžanaści pa sučasnaj terytoryi krainy) bostvam. Lepš skazać "Žyvie Piarun!"

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Usie naviny →
Usie naviny

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

Na Miency raskapali ŭžo try rady hakavych draŭlanych kanstrukcyj FOTA3

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →