Śviet44

«My siadzim za adnym stałom». Polskija ajcišniki zastupilisia za biełarusaŭ pierad Tuskam

Polskaja asacyjacyja raspracoŭščykaŭ prahramnaha zabieśpiačeńnia (SoDA) źviarnułasia da kiraŭnika ŭrada Polščy Donalda Tuska z nahody jaho niadaŭniaha vykazvańnia pra biełaruskich ajcišnikaŭ.

Donald Tusk. Fota: AP

Tusk, krytykujučy mihracyjnuju palityku papiaredniaha ŭrada, zajaviŭ, što pryciahnieńnie biełaruskich i rasijskich ajcišnikaŭ dapamahło stvaryć u Polščy «zamiežnuju ahienturu».

U SoDA raskazali, što ŭ IT-industryi ŭspryniali hetyja słovy ź nierazumieńniem i tryvohaj. Mnohija pradstaŭniki haliny paličyli hetu zajavu niespraviadlivaj.

U zvarocie adznačajecca, što polskaja śfiera IT dahetul bjecca nad prablemaj pryciahnieńnia novych kvalifikavanych kadraŭ. I adnym z rašeńniaŭ stała zaprašeńnie biełarusaŭ pa prahramie Poland. Business Harbour. U tekście zhadvajecca statystyka, pa jakoj bolš za 100 tysiač biełarusaŭ žyvuć u Polščy na padstavie dazvołu na žycharstva, u tym liku 40 tysiač užo vałodajuć dazvołam na pastajannaje pražyvańnie.

«Mnohija z hetych ludziej vałodajuć unikalnym vopytam i navykami ŭ IT-industryi, jakija ceniacca i zapatrabavanyja va ŭsim śviecie.

Dla nas — IT-industryi — heta kalehi, ź jakimi my siadzim za stałom i prapuskajem adzin adnaho ŭ kalidory. Słovy, vykazanyja adnym z samych važnych ludziej krainy, byli dla ich ciažkimi dla razumieńnia», — adznačajecca ŭ tekście zvarotu.

U SoDA nazyvajuć pierajezd biełaruskich kampanij i śpiecyjalistaŭ adnym z važnych elemientaŭ, jaki padtrymlivaje polski IT-siektar.

«Za apošnija niekalki hadoŭ sotni biełaruskich technałahičnych kampanij i tysiačy prahramistaŭ pierajechali ŭ Polšču, padtrymlivajučy miascovyja IT-kampanii, adkryvajučy indyvidualnyja pradpryjemstvy i tym samym płaciačy padatki ŭ našaj krainie. Taki prytok vysokakvalifikavanych śpiecyjalistaŭ spryjaje pavyšeńniu kampietencyj u śfiery IT, što vielmi važna dla raźvićcia inavacyj i novych technałohij u našaj krainie», — havorycca ŭ zajavie.

Biełaruskija śpiecyjalisty pryvieźli ŭ Polšču nie tolki viedy, ale i dośvied pracy ŭ mižnarodnych prajektach — dziakujučy hetamu polskija kampanii atrymlivajuć dostup da najnoŭšych mietodyk i technałohij, što pavyšaje kankurentazdolnaść kampanij na suśvietnym rynku.

«Varta padkreślić, što padtrymka biełaruskich IT-śpiecyjalistaŭ i technałahičnych kampanij — heta nie tolki maralny abaviazak, ale i stratehičnaja inviestycyja ŭ budučyniu našaj ekanomiki. Intehracyja hetych śpiecyjalistaŭ z polskim rynkam pracy prynosić karyść abodvum bakam, stvarajučy novyja pracoŭnyja miescy i stymulujučy raźvićcio inavacyjnych prajektaŭ», — adznačajuć u SoDA.

Arhanizacyja prosić urad i lidaraŭ hramadskaj dumki «razam pracavać dla stvareńnia družalubnaha asiarodździa dla biełaruskich kampanij i IT-śpiecyjalistaŭ». SoDA prosić ułady z aściarožnaściu stavicca da słoŭ ab industryi i nie stvarać iłžyvyja naratyvy.

Kamientary4

  • Nul
    21.06.2024
    Čitaja takije zajavlenija ot polskich i litovskich politikov sozdajotsia oŝuŝienije, čto chvost vilajet sobakoj. Rośsijskij riežim i biełaruskaja okkupacionnaja administracija sdiełali nievierojatnyj podarok etim stranam, čto vytieśnili sotni tysiač (jeśli nie milliony) mołodych, trudosposobnych, motivirovannych ludiej. A politiki słušajut svoi śpiecsłužby kotorym, viditie li, rabotať v łom. I zdieś intieriesy siłovikov protivopostavlajutsia intieriesam obŝiestva.
  • babrujčanin
    22.06.2024
    Nul, A kali pačniem " kanśpirałohiju" " teoryju zmoŭ" ci staroje " hrošy ni śmierdziat" ?? Kanclera nabyli ministarku Aŭstryi..sihaładepardźje stoŭna " optam" .U Letuvie svajho " letčyka" pałauskasa prezidzientam ..dapamahli abracca U Polše ..Prykład u sałaŭjeva na tv rf byŭ zapisny palak na akładzie Jakub koriejba i u śmi dnr Zaraz jen v Ukrainie na ukrainska moŭnam " śmi niezalezžnam" češskaha bahacieja lje u vušy ..praciležnaje ukraincam I heta toje čto na vočy trapiła A kamrad rB Lepier ..Jaščie raz biełaruskaja Biełaruś usim suuusiedziam pa kołu rB zaminaje Tolki biełarusam u Biełaruskaj Biełarusi budzie utulna budzie Doma ..I dźla mianie biełarus heta ni zusim kroŭ hleba maci baćka carkva kaścieł sinahoha ..
  • babrujčanin
    22.06.2024
    123, Daviedka Polšie paśla razvała saŭdepii śpisali padaravał €£¥$ Štaty i .eŭraźviaz heta ŭ razy bolej čym rf rB.Z padobnymi padarunkami subsidzijami da palakaŭ irłandcy brytancy na zarabki pavinny jechać a ni naadvarot ..Marnyja nadziei na mieždsalidarnaść cyviłśvietu jak i na dapamohu zsU .Ukrainie daj b samoj zachavacca z padobnaj " salidarnaściu śvietacyvił"

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ2

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami30

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →