Inšaziemca ździviła zvyčka biełarusaŭ, na jakuju sami jany nie źviartajuć uvahi
U tyktoku źjaviłasia videa inšaziemca, jakomu daviałosia skarystacca z pasłuhaŭ minskaha mietro. Jon ździviŭsia pavodzinam biełarusaŭ, jakija ŭvieś čas pry vychadzie prytrymlivali dźviery. Kamientatary, adnak, zapeŭnili jaho, što ŭ hetaj zvyčcy niama ničoha niezvyčajnaha, piša Telegraf.news.
Mnohija karystalniki sacsietki ździvilisia reakcyi inšaziemca i paličyli, što ŭ takich pavodzinach suajčyńnikaŭ niama ničoha niezvyčajnaha. Maŭlaŭ, takaja «zvyčka jość va ŭsich». Da taho ž dźviery ŭ staličnym mietro davoli ciažkija, i kali ich nie prytrymać, možna surjozna traŭmavać čałavieka, jaki idzie zzadu.
niežnyje mužčiny
«Ja bajusia, kali nie prytrymaju, nastupnaha prybje dźviaryma», — napisaŭ adzin ź biełarusaŭ pad videa i sabraŭ amal 30 tysiač kamientaroŭ.
«Dyk heta baza, usio ž tak robiać, nie?» — ździviŭsia reakcyi aŭtara videarolika jašče adzin kamientatar.
«Ja zaŭsiody tak rablu, a dzieści pa-inšamu?» — zadałasia pytańniem jašče adna dziaŭčyna.
«Heta zavodskija nałady. Jak nie pierachodzić pierachod na čyrvonaje, kali niama mašyn», — napisaŭ jašče adzin karystalnik.
«My jašče tałončyki pieradajom, kali vychodzim z aŭtobusa ci inšaha transpartu, kab inšyja nie prabivali. A časam pakidajem na siadzieńniach transpartu abo pobač», — raskazała jašče adna biełaruska ŭ kamientarach.
Niekatoryja kamientatary paśpiašalisia nahadać, što takoje dziejańnie nijak nie źviazana z nacyjanalnaściu i abumoŭlena «elemientarnym kłopatam» i «vychavańniem». Inšyja ž vykazali zdahadku, što ŭ inšych krainach tak nie robiać, bo tam prosta niama takich niebiaśpiečnych i ciažkich dźviarej u mietro.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary