Marat Markaŭ: DziaržSMI vyzvalilisia ad ludziej z «ideałahičnaj razhublenaściu»
Budzie pravilna, kali čałaviek ź mierkavańniem, alternatyŭnym dziaržaŭnamu, nie budzie «karmicca ź dziaržaŭnaj kišeni», adznačyŭ kiraŭnik Mininfarma.
Redakcyi dziaržaŭnych ŚMI ŭ asnoŭnym pazbavilisia ad tych ludziej, jakija schilnyja mianiać svajo mierkavańnie nakont palityki, što pravodzicca ŭ Biełarusi, i da prezidenckich vybaraŭ 2025 hoda padychodziać bolš ustojlivymi i prafiesijnymi, pra heta zajaviŭ ministr infarmacyi krainy Marat Markaŭ u intervju telekanału «Biełaruś-1».
Pavodle jaho słoŭ, škoła, jakuju daviałosia prajści padčas pratestaŭ apazicyi padčas prezidenckich vybaraŭ u 2020 hodzie i paśla hetych padziej, šmat čamu navučyła.
«Ludzi, u jakich było ślizhujučaje ideałahičnaje vychavańnie, jakija siońnia kažuć adno, a zaŭtra mohuć kazać absalutna inšaje, i heta nazyvajecca «ja staŭ viduščym, ja razabraŭsia»… ad takich ludziej u bolšaści vyzvalilisia», — skazaŭ Markaŭ.
Ministr infarmacyi adznačyŭ, što prynamsi budzie sumlenna, kali toj, chto maje alternatyŭnaje dziaržaŭnamu mierkavańnie, nie pojdzie «karmicca ź dziaržaŭnaj kišeni» i stanie zarablać hrošy svaim rozumam i pracaj.
Markaŭ paviedamiŭ, što dziaržava vydzialaje dastatkova srodkaŭ dla raźvićcia infarmacyjnaj śfiery ŭ Biełarusi. I va ŭmovach razhornutaj suprać krainy infarmacyjnaj vajny nie mohuć sabie dazvolić «prosta infarmavać ci prosta zabaŭlać».
«Navat u zabaŭlalny prajekt možna ŭsunuć stolki pravilnych pasyłaŭ i ideałohii, što jon budzie farmavać śvietapohlad tak, jak treba dla taho, kab kraina kvitnieła i raźvivałasia. I naadvarot — zakłaści stolki min pry žadańni, jakija buduć spryjać tamu, kab asnovy hramadzianskaj supolnaści i dziaržavy pachisnuć», — padkreśliŭ ministr infarmacyi.
Alaksandr Łukašenka pryznačyŭ Marata Markava ministram infarmacyi 13 červienia. Da hetaha Markaŭ z 2017 hoda ŭznačalvaŭ telekanał ANT, kudy pryjšoŭ z «Biełteleradyjokampanii», dzie pracavaŭ namieśnikam staršyni.
Marata Markava pryznačyli ministram infarmacyi
Markaŭ: Revalucyi ŭ Mininfarmie nie budzie
Łukašenka raskazaŭ, što Markava ŭhavorvali być ministram infarmacyi
«Zanadta śmieły, zanadta dziorzki, vydatny strateh». Prapahandysty pačali ablizvać novaha ministra infarmacyi
Łukašenka raskazaŭ, što pad vybary vydatkavaŭ na prapahandystaŭ «niemałyja hrošy»
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary