U vydaviectvie Gutenberg vychodzić novaja kniha Siarhieja Kalendy «Stryže i piša»
Start prodažaŭ i prezientacyja knihi z udziełam aŭtara adbuducca na Hučna Fest u Varšavie 29 červienia, paviedamlaje vydaviectva na svajoj staroncy ŭ fejsbuku.
«Stryže i piša» — heta niekalki dziasiatkaŭ kamičnych, a časam sumnych i navat žachlivych historyj z pracoŭnaha dośviedu cyrulnika, piša «Budźma».
Piśmieńnik niekalki hadoŭ zapisvaŭ cikavyja historyi, hierojem jakich byŭ jon sam, a taksama jaho klijenty i klijentki.
«Pakolki nichto nie braŭ z aŭtara prysiahi zachoŭvać tajamnicy, jon raskazvaje ŭsio jak jość», — adznačajuć u vydaviectvie.
Letaś pabačyła śviet knižka Siarhieja Kalendy dla dziaciej «Chłopčyk Tomčyk».
Siarhiej Kalenda źjaŭlajecca aŭtaram takich knih, jak «Časam panki pamirajuć», «Padarožža na kraj łožka», «Pomnik atručanym ludziam», «Kazki. Historyi (nie) pra nas», «Iržavy pakoj ź biełymi špalerami», «Kantynientalny śniadanak» i h.d.
Pieradzamović knihu «Stryže i piša» možna na sajcie vydaviectva.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary