Aryštavany ŭ Rasii doktar Martaŭ moža znachodzicca ŭ viciebskim SIZA
Doktara zatrymali 14 maja ŭ horadzie Muryna Leninhradskaj vobłaści. Ale pra jaho dalejšy los praktyčna ničoha nie viadoma.
Praź miesiac paśla zatrymańnia Uładzimira Martava ŭ Rasii, u miedycynskaj ustanovie, dzie jon pracavaŭ, praviali čarhovuju pahłyblenuju pravierku. U vyniku svaje pasady stracili hałoŭny doktar Andrej Zacharaŭ, hałoŭnaja miedsiastra Nadzieja Rybałka, zahadčyk adździaleńnia aniestezijałohii i reanimacyi Vasil Musijčuk, piša Viciebskaja viasna.
Pravaabaroncy miarkujuć, što jon moža być u Viciebskim SIZA.
Były zahadčyk adździaleńnia aniestezijałohii i reanimacyi Viciebskaj balnicy chutkaj miedyčnaj dapamohi znachodziŭsia ŭ miždziaržaŭnym vyšuku. U Biełarusi na jaho zaviedziena kryminalnaja sprava za «ŭdzieł u dziejnaści ekstremisckaha farmavańnia» — za intervju zamiežnamu ŚMI, abvieščanamu ŭ Biełarusi «ekstremisckim farmavańniem».
Uładzimir Martaŭ pakinuŭ prafiesijnuju miedycynu ŭ 2021 hodzie — tady ź im nie praciahnuli pracoŭny kantrakt. Doktara pačali pieraśledvać paśla taho, jak jon zahavaryŭ u niedziaržaŭnych ŚMI pra toje, što statystyku śmiarotnaści ad karanavirusa prychoŭvajuć, i što jość prablemy arhanizacyi miedycynskaj dapamohi chvorym na karanavirus — u pryvatnaści, pieraboi z pastaŭkami kisłarodu ŭ reanimacyju balnicy. Jon śćviardžaŭ, što praz heta ŭ kancy 2020 hoda pamierli niekalki čałaviek, jakija znachodzilisia na aparatach štučnaj vientylacyi lohkich, tady jak ułady zapeŭnivali, što ad novaj infiekcyi pakul nichto nie pamior.
Paśla takich śćviardžeńniaŭ, zroblenych Uładzimiram Martavym u intervju niezaležnym ŚMI, u kancy krasavika 2020 hoda byŭ zvolnieny hałoŭny ŭrač Viciebskaj balnicy chutkaj dapamohi Siarhiej Łazar.
Uładzimir Martaŭ pakinuŭ Biełaruś u 2022 hodzie — praź niekalki miesiacaŭ paśla taho, jak jaho asudzili da aryštu na 7 sutak za bieł-čyrvona-bieły ściažok na avatarcy ŭ fejsbuku.
Pavodle Radyjo Svaboda, jon pajechaŭ u «padarožža», ciaham jakoha jon «spyniaŭsia ŭ siabroŭ i vystupaŭ ź lekcyjami». Jeść vierahodnaść, što za hetaje intervju, dadzienaje pradstaŭnikam «ekstremisckaha farmavańnia», ci za inšyja vystupy na Radyjo Svaboda suprać jaho i była raspačataja kryminalnaja sprava.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
Vidimo, im doktora nie nužny.
Pochožie, čto im ludi voobŝie nie nužny!