Były amierykanski pasoł raspavioŭ, jak Isłam Karymaŭ kinuŭ tapak u svaju dačku Hulnaru
Dačku byłoha prezidenta Uźbiekistana asudzili ŭ svoj čas na 13 hadoŭ.
Były ambasadar ZŠA va Uźbiekistanie Džordž Kroł, jaki byŭ pasłom u Biełarusi ŭ 2003—2006 hadach, u miemuarach dla Centra rasijskich i jeŭrazijskich daśledavańniaŭ imia Devisa Harvardskaha ŭniviersiteta raspavioŭ ab sustrečy z dačkoj pieršaha prezidenta Hulnaraj Karymavaj. Jaho ŭspaminy apublikavała vydańnie Eurasianet, źviartaje ŭvahu «Nastojaŝieje vriemia»
Kroł pracavaŭ pasłom va Uźbiekistanie z 2011-ha pa 2014 hod. Pavodle jaho słoŭ, bližej da kanca svajho znachodžańnia ŭ respublicy jon akazaŭsia ŭciahnuty ŭ niaprostyja adnosiny siamji Karymavych. Jon udakładniŭ, što adnojčy pozna ŭviečary, napiaredadni Novaha hoda, u amierykanskaje pasolstva pryjšła «adchilenaja na toj momant ad siamiejnych spraŭ» Hulnara Karymava, ź jakoj byli jaje dvoje dziaciej, jakija naradzilisia ŭ ZŠA.
«Hulnara, apranutaja ŭ Versace i Gucci, pačała doŭhi apoviad ab svaim žyćci i svaich prablemach. <…> U kancy jaje źniasilvajučaha dvuchhadzinnaha manałohu ja aściarožna pacikaviŭsia, čaho jana choča ad mianie. Zatym jana spytała, ci mahu ja arhanizavać joj sustreču z baćkam, jakomu, pa jaje słovach, nie davali bačycca ź joj jaje maci, siastra i inšyja ludzi Karymava ź jaho atačeńnia. Na nastupny dzień mnie atrymałasia źviazacca z Karymavym. Nieŭzabavie paśla hetaha Hulnara dasłała mnie radasnaje paviedamleńnie ab tym, što sustreča pryznačanaja. Paźniej ja daviedaŭsia ad jaje, što sustreča prajšła nie vielmi dobra i skončyłasia tym, što baćka špurnuŭ u jaje tapkaj. Bolš ja Hulnaru nie bačyŭ», — raspavioŭ Džordž Kroł.
Pa słovach byłoha pasła, sam Karymaŭ u razmovie ź im nikoli nie zhadvaŭ hety incydent.
Suprać Hulnary Karymavaj va Uźbiekistanie ŭ 2013 hodzie zaviali dźvie spravy ab kradziažy i ŭchileńni ad vypłaty padatkaŭ. U 2015 hodzie pa pieršaj spravie jana atrymała piać hadoŭ abmiežavańnia voli. U 2017 hodzie pa druhoj spravie jaje pryhavaryli da 10 hadoŭ źniavoleńnia. Paźniej pakarańnie było zamieniena na piacihadovaje abmiežavańnie svabody.
U sakaviku 2020 hoda Taškiencski harsud pryhavaryŭ jaje da 13 hadoŭ i 4 miesiacaŭ kałonii pa abvinavačańni ŭ zmovie, vymahalnictvie, rastracie i rabavańni, admyvańni hrošaj i inšych złačynstvach. Ź viasny 2019 hoda jana adbyvaje pakarańnie ŭ žanočaj kałonii № 21 u Zanhijacinskim rajonie Taškienckaj vobłaści.
Va Uźbiekistanie adkryjuć centry moŭnaj padrychtoŭki budučych pracoŭnych mihrantaŭ. Ruskaj navučać nie buduć
«U dyktaturach zakony — nie toje, na što źviartajuć vialikuju ŭvahu, kali dzielać uładu. I Biełaruś nie budzie słužyć vyklučeńniem u vypadku śmierci Łukašenki»
Syn pieršaha prezidenta Uźbiekistana žorstka źbiŭ žonku. Jaho zatrymali, a potym adpuścili
«Ja dumaju, u Biełarusi budzie scenar jak va Uźbiekistanie, a moža być, i bolš surjozny»
Kamientary