Prakurory patrabavali pažyćciovaha prysudu.
Były prezident Handurasa Chuan Arłanda Ernandes prysudžany ŭ ZŠA da 45 hadoŭ turmy za dačynieńnie da złačynstvaŭ u vobłaści narkotykaŭ i handlu zbrojaj, piša Rasijskaja słužba Radyjo Svaboda.
55-hadovy Ernandes, imavierna, praviadzie za kratami reštu svajho žyćcia, kali sud pakinie prysud bieź źmienaŭ paśla čakanaj padačy apielacyi na pastanovu amierykanskaha suda.
Manchetenski sud u sakaviku pryznaŭ Ernandesa vinavatym u pryniaćci chabaraŭ dla ŭtojvańnia marskich pastavak kakainu ŭ ZŠA, niahledziačy nie jaho raniejšyja abiacańni zmahacca z narkahandlem.
Prakurory patrabavali pažyćciovaha prysudu, bok abarony nastojvaŭ na 40 hadach turmy. Advakaty paličyli, što dastatkova pakarańnia ŭ 40 hadoŭ. Heta minimalnaje pakarańnie pa fiederalnym zakanadaŭstvie.
Akruhovy sudździa ZŠA Kievin Kastel zajaviŭ, što 45-hadovy prysud pavinien stać sihnałam dla dobra adukavanych i, zdavałasia b, pradstaŭničych abvinavačanych, jakija mohuć mierkavać, što jany zastrachavanyja ad sudovaha pieraśledu.
Ernandes paŭstaŭ pierad sudom tym, kim jon u rečaisnaści i byŭ: dvudušnym palitykam, jaki prahnie ŭłady», zajaviŭ Kastel u Manchetenskim sudzie.
Ernandes kiravaŭ Handurasam, sajuznaj dla ZŠA dziaržavaj Centralnaj Amieryki, z 2014 pa 2022 hod.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?19
Kamientary