27 červienia stali viadomyja vyniki centralizavanaha ekzamienu (CE) i centralizavanaha teściravańnia (CT), praviedzienych u reziervovyja dni. Maksimalna mahčymy vynik u sto bałaŭ atrymaŭ, pavodle infarmacyi Ministerstva adukacyi, tolki adzin abituryjent, jaki zdavaŭ CT.
U reziervovyja dni teściravańnie prajšli vypuskniki, jakija nie zmahli zrabić heta ŭ asnoŭnyja dni pa ŭvažlivych pryčynach. A jašče, vierahodna, metaviki: litaralna 11 červienia Minadukacyi «ŭ vyhladzie vyklučeńnia» dazvoliła takim abituryjentam zdać vyprabavańnie ŭ «zapasnyja» dni.
19 červienia ŭ CT pa 15 vučebnych pradmietach pryniaŭ udzieł 341 čałaviek, 21 červienia — 204, a 23-ha vyprabavańnie prajšli 177 čałaviek. Z aŭdytoryj za parušeńni nikoha nie vydalili.
Uładalnikam adzinaha stobalnaha siertyfikata staŭ abituryjent, jaki zdavaŭ CT pa bijałohii. Adzin vypusknik atrymaŭ 99 bałaŭ na vyprabavańni pa hramadaznaŭstvie, jašče dva — 98 bałaŭ na CT pa fizicy i chimii. Nul bałaŭ byŭ amal u 300 čałaviek.
U Ministerstvie adukacyi raskazali, što abituryjentam, jakija zdavali CT u reziervovyja dni, siertyfikaty pačnuć vydavać 1 lipienia.
Usiaho ž sioleta było zafiksavana 695 stobalnych siertyfikataŭ CT: 27 maja — 55 maksimalnych vynikaŭ, 30-ha — 26, 3 i 6 červienia — 613, plus adzin u reziervovy dzień.
Usiaho CT zdavali 71,3 tys. čałaviek, heta značyć «stobalnikaŭ» — 0,97% ad ahulnaj kolkaści tych, chto zdavaŭ sioleta.
U Minadukacyi nahadali, što školniki, jakich vydalili z CE ŭ asnoŭnyja dni za parušeńni, a taksama tyja, chto nie źjaviŭsia na vyprabavańni (u tym liku ŭ reziervovyja dni) pa abjektyŭnych pryčynach, zmohuć zdać CE 19 i 21 žniŭnia. U pieršy dzień heta budzie adzin z profilnych pradmietaŭ, u druhi — biełaruskaja abo ruskaja mova. Takija abituryjenty nie zmohuć pretendavać na pastupleńnie ŭ VNU, bo ŭstupnaja kampanija tudy da taho času zavieršycca, ale možna budzie padać dakumienty ŭ kaledžy.
Siońnia startavała ŭstupnaja kampanija ŭ VNU. Chto siońnia padaje dakumienty
Školnica ź Minska maje 400 bałaŭ dla pastupleńnia
Studenty BIP zmohuć pieravieścisia ŭ viadučyja VNU Minska, Mahilova i Hrodna
Minadukacyi abiacaje prastaŭlać apastyl ciaham adnaho dnia
Stali viadomyja vyniki CT pa profilnych pradmietach. Dzie najbolš stabalnikaŭ?
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary