Palitviaźnia, u jakoha vypuścili piać humovych kul, znoŭ buduć sudzić
Cimura Ryzapura buduć sudzić za «złosnaje niepadparadkavańnie administracyi kałonii»
Cimura zatrymali 30 vieraśnia 2020 hoda ŭ Breście. Uviečary 10 žniŭnia, kali jon viartaŭsia z pracy dadomu, jaho padstrelili humavymi kulami piać razoŭ: adzin raz — u žyvot i čatyry razy — u jahadzicu, piša «Viasna».
Paźniej jaho abvinavacili va «ŭdziele ŭ masavych biesparadkach» pavodle č. 2 art. 293 KK. Cimura na voli čakajuć žonka i troje niepaŭnahadovych dziaciej.
Cimuru pryznačyli 4,5 hoda kałonii. Termin palitviazień spačatku adbyvaŭ u navapołackaj kałonii. Administracyja rehularna źmiaščała jaho ŭ štrafny izalatar, a potym pieraviała ŭ PKT. Paźniej jamu ŭzmacnili pakarańnie i pieraviali na turemny režym.
Ciapier stała viadoma, što 10 lipienia ŭ sudzie Leninskaha rajona Mahilova nad im raspačniecca sud pavodle č. 2 art. 411 KK (złosnaje niepadparadkavańnie administracyi kałonii). Spravu budzie razhladać sudździa Natalla Panasienka.
Padtrymajcie Cimura listami i telehramami: Turma № 4, 212011, Mahiloŭ, Krupskaj, 99A, Cimur Nabijevič Ryzapur
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 1
«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki3
«Studentaŭ-płatnikaŭ u dziaržaŭnych VNU stanie bolš». Čamu ŭ Biełarusi zakryli adrazu dva pryvatnyja ŭniviersitety? 1
Kamientary