Parłamienckaja asambleja ABSIE pryniała rezalucyju, u jakoj pryznała dziejańni Rasii hienacydam ukrainskaha naroda i nieabchodnaść dekałanizacyi RF. Pra heta paviedamiŭ člen parłamienckaj delehacyi Pavieł Frałoŭ.
«U dzień adkryćcia letniaj siesii ŭ Buchareście PA ABSIE pryniała rezalucyju z asudžeńniem 10-hadovaj uzbrojenaj ahresii RF suprać Ukrainy, jakoj pryznała dziejańni vajenna-palityčnaha kiraŭnictva RF i jaje ŭzbrojenych sił padčas poŭnamaštabnaha ŭvarvańnia hienacydam ukrainskaha naroda», — paviedamiŭ jon.
Frałoŭ padkreśliŭ, što rezalucyja vyznačaje dekałanizacyju RF «nieabchodnaj pieradumovaj dla ŭstanaŭleńnia tryvałaha śvietu».
U rezalucyi źmieščany zaklik usich 53 krain-udzielnic ABSIE prykładać namahańni dla deakupacyi Kryma i ŭsich akupavanych terytoryj Ukrainy šlacham padtrymki Formuły miru i Krymskaj płatformy;
zaklik dziaržaŭ ABSIE stvaryć Śpiecyjalny trybunał dla pryciahnieńnia da adkaznaści Rasii za złačynstvy, učynienyja ŭ chodzie ahresiŭnaj vajny suprać Ukrainy, pravieści na mižnarodnym i nacyjanalnym uzroŭniach rasśledavańnie masavych źvierstvaŭ, zabojstvaŭ, katavańniaŭ, zhvałtavańniaŭ armii RF;
padkreślivajecca nieabchodnaść chutkaha zapusku miechanizmu vykarystańnia zamarožanych rasijskich aktyvaŭ na karyść Ukrainy;
prezidenckija vybary 2024 hoda ŭ RF pryznajucca padtasavanymi i takimi, jakija padryvajuć lehitymnaść usioj vybarčaj sistemy RF;
zaklik zabaranić impart rasijskaha zvadkavanaha hazu ŭ ES, reekspart i tranzit praz party ES, piša «Ukrainskaja praŭda».
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary
No nie do konca, pora priznavať Rośsiju sponsorom mieždunarodnoho tierrorizma i tierrorističieskim hosudarstvom.