Sproby niezakonnaha pierasiačeńnia miažy fiksujuć pamiežniki Łatvii i Polščy.
Fota: vsat.lt
Dziaviaty dzień zapar na miažy Biełarusi i Litvy nie było vyjaŭlena nivodnaha nielehalnaha mihranta.
Pra heta paviedamiła pamiežnaja słužba Litvy, piša LRT.
Litoŭskim susiedziam pašancavała mienš. Łatvijskija pamiežniki zatrymali 6 lipienia 70 mihrantaŭ, a polskija ŭłady 5 lipienia zabaranili ŭjezd 44 zamiežnikam, jakija sprabavali niezakonna pierasiekčy miažu.
Sioleta pamiežnaja słužba Litvy praduchiliła ŭjezd u krainu ź Biełarusi 253 nielehalnych mihrantaŭ.
Prytok mihrantaŭ va ŭschodnija krainy Jeŭrasajuza ź Biełarusi pačaŭsia ŭ 2021 hodzie, i ŭ jaho arhanizacyi Zachad abvinavačvaje režym Łukašenki.
Tady ź Biełarusi ŭ Litvu nielehalna prybyli amal 4,2 tysiačy mihrantaŭ, ale bolšaść ź ich pakinuli krainu paśla źniaćcia abmiežavańniaŭ na pieramiaščeńnie.
Za hety pieryjad litoŭskija pamiežniki pryciahnuli bolš za 22 tysiačy mihrantaŭ. Niekatoryja zamiežniki sprabavali pierasiekčy miažu nielehalna niekalki razoŭ.
Polšča za apošnija tydni nieadnarazova pahražała całkam zakryć miažu ź Biełaruśsiu praz kryzis ź mihrantami. Paśla sustrečy prezidenta Polščy Andžeja Dudy sa Staršynioj KNR Si Czińpinam MZS Kitaja ŭpieršyniu publična prakamientavaŭ situacyju. U viedamstvie zajavili, što Kitaj spadziajecca na deeskałacyju kanfliktu biez zakryćcia miažy.
Paśla kitajskaha papiaredžańnia kolkaść mihrantaŭ na miažy skaraciłasia.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary