U charaktarystyki biudžetnikaŭ pačali ŭnosić danyja pra najaŭnaść apastyla dypłoma. Navošta?
Jak kažuć «Našaj Nivie» tyja, chto z hetym sutyknuŭsia, infarmacyja ab apastyli dypłoma ŭskładniaje karjernuju pramocyju i abiacaje pastrožanyja ŭmovy pracy.
«Charaktarystyka» znachodzicca ŭ asabistaj spravie rabotnika dziaržaŭnaj ustanovy, jakaja viadziecca ŭ adździele kadraŭ. Kiepskija zapisy ŭ hetaj spravie mohuć uskładnić karjerny rost ci pierachod na inšaje pradpryjemstva.
Jak kažuć surazmoŭcy «Našaj Nivy», jakim daviałosia sutyknucca z novaj praktykaj, ź niadaŭniaha času ŭ charaktarystyki stała ŭnosicca infarmacyja ab apastylavańni dypłomaŭ — Minadukacyi, imavierna, pieradaje hetuju infarmacyju na pradpryjemstvy.
«Prynamsi moj adździeł kadraŭ daviedaŭsia ab apastylavańni bieź infarmavańnia z majho boku. Piensijanier-kadebist, jakoha pastavili načalnikam ideałohii i kadraŭ, pravioŭ sa mnoj kštałtu «prafiłaktyčnaj razmovy» na pradmiet taho, kudy ja namyliŭsia, što mnie nie padabajecca, i hetak dalej. Taksama dali zrazumieć, što rabotnik, jaki nie płanuje źviazvać žyćcio ź Biełaruśsiu — pra što im kaža fakt apastylavańnia, — nie budzie prasoŭvacca pa karjernaj leśvicy», — skazaŭ nam supracoŭnik dziaržaŭnaha pradpryjemstva.
Tuju ž infarmacyju paćviardžajuć miedyki, jakija apastylavali svaje dypłomy, ale pracujuć u Biełarusi.
Najaŭnaść apastyla dla daktaroŭ ličycca niehatyŭnym faktaram.
«Dali zrazumieć, što kali ja vykazaŭ chacia b tearetyčny namier źjechać, to ŭmovy raboty buduć pastrožanyja — buduć pryjarytetna raźmiarkoŭvać na tyja źmieny, jakija ličacca składanymi i ŭ zvyčajnym paradku biarucca pa čarzie ŭsimi supracoŭnikami», — dadaŭ miedyk ź dziaržaŭnaj balnicy.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj20
Kamientary