Na videa trapiŭ momant trahiedyi ŭ dziciačym łahiery ŭ Rečyckim rajonie, dzie zahinuŭ chłopčyk
Videa apublikavaŭ telehram-kanał «Biełaruś za MKADam». Na zapisie bačna, jak hrupa dziaciej z-za mocnaha vietru biažyć u žyłyja karpusy, a adno z dreŭ padaje na chłopcaŭ.
14 červienia prykładna ŭ 17:20 hadzin u časie ŭrahanu adbyłosia imklivaje padzieńnie niekalkich dreŭ. U hety čas na kancertnaj placoŭcy prachodziła zabaŭlalnaje mierapryjemstva dla vychavancaŭ łahiera. Kali pačałasia bura, dzieci kinulisia ŭ žyłyja karpusy.
U vyniku atrymanych cialesnych paškodžańniaŭ pamior 13-hadovy chłopčyk.
Jašče traim dzieciam spatrebiłasia chutkaja miedycynskaja dapamoha. Pavodle BIEŁTA, paciarpiełuju dziaŭčynku ŭ toj ža viečar dastavili ŭ abłasnuju balnicu ŭ Homiel, dzie nieadkładna praapieryravali. Chłopčyk znachodzicca pad nahladam daktaroŭ traŭmatałahičnaha adździaleńnia Rečyckaj CRB. Jašče adno dzicia vypisana na ambułatornaje lačeńnie.
Kamientary