Finskija i šviedskija piłoty pierachapili rasijskija źniščalniki nad Bałtyjskim moram
Finskija i šviedskija źniščalniki ździejśnili pierachop dvuch rasiejskich vajskovych samalotaŭ nad Bałtyjskim moram. Pra heta 17 lipienia paviedamili ŭ pres-słužbie abjadnanaha kamandavańnia pavietranych sił NATA, piša «Jeŭrapiejskaja praŭda».
![](http://nashaniva.com/img/w840d4webp1/photos/z_2024_07/dsc_4635-iklay1-cu48h.jpg.webp)
Abjadnany centr pavietranych apieracyj NATA ŭ niamieckim horadzie Judem 15 lipienia paviedamiŭ, što nad Bałtyjskim moram nad mižnarodnymi vodami zafiksavanyja dva rasijskija źniščalniki, jakija nakiroŭvajucca z Kalininhradskaj vobłaści ŭ asnoŭnuju častku Rasii. Ich zaŭvažyli taksama finskija i šviedskija manitorynhavyja centry, paśla čaho abiedźvie krainy padniali svaich piłotaŭ dla pierachopu.
Rasijskija źniščalniki nie mieli płana palotu, nie trymali suviaź z hramadzianskimi avijadyśpietčarami i nie vykarystoŭvali sihnałaŭ transpondaraŭ.
«Finskija i šviedskija źniščalniki ździejśnili pierachop u ciesnaj kaardynacyi z Abjadnanym centram pavietranych apieracyj NATA. Hetaja rucinnaja zadača paćviardžaje ŭzrovień intehracyi abodvuch sajuźnikaŭ», — adznačyli ŭ kamiunikie.
Samit NATA pakazaŭ adsutnaść mocnaha lidara nakštałt Čerčyla — Bild
Polšča choča pryciahnuć pamiežnikaŭ ź Finlandyi, Hiermanii i Hrecyi dla abarony miažy ź Biełaruśsiu
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie
Rasija z-za vajny va Ukrainie źniała amal usie vojski sa svajoj samaj praciahłaj miažy z NATA
Kamientary