Cyrymonija ŭručeńnia premij pavinna była prajści 14 lutaha, u Dzień śviatoha Valancina, u staličnym hateli Crownie Plaza. Adnak uviečary 4 lutaha stała viadoma, što administracyja hatela skasavała dahavor na arendu zały.
«Najbližejšym časam my padadzim zajaŭki na vydzialeńnie pamiaškańnia dla ŭručeńnia premij u inšyja miescy.
Ale my nie ciešym siabie iluzijami.
Za try hady arhanizacyja atrymała bolš za sto admoŭ u vydzialeńni pamiaškańniaŭ dla praviadzieńnia našych mierapryjemstvaŭ. Zusim niadaŭna bolš jak dziesiać ustanoŭ adukacyjna‑kulturnaha kirunku admovili nam u vydzialeńni pamiaškańnia dla praviadzieńnia ŭstanoŭčaha źjezda», — adznačyŭ Daškievič.
«My nie vierym u vypadkovaści.
Damova była zaklučanaja ŭ zakonnym paradku, my jak klijenty nie parušyli nijakich umoŭ.
My ličym, što ŭ praces ažyćciaŭleńnia damovy ŭklučylisia trecija asoby, i admova ŭ arendzie maje palityčny padtekst. My budziem vymušany źviarnucca z adpaviednym listom da kiraŭnictva InterContinental Hotels Group, uładalnika sietki hatelaŭ Crowne Plaza pa ŭsim śviecie. Akramia taho, my majem namier padać isk u dačynieńni da Crowne Plaza u haspadarčy sud Minska», — zajaviŭ Daškievič.
Pavodle jaho słoŭ,
napiaredadni 14 lutaha budzie abjaŭleny śpis pieramožcaŭ, a ŭznaharody im, chutčej za ŭsio, buduć pieradadzieny ŭ pryvatnym paradku.
Admova ŭ vydzialeńni pamiaškańnia nanosić škodu nie tolki imidžu hatela Srowne Plaza Minsk, ale i imidžu Biełarusi, pakolki vidavočna, što viadzieńnie biźniesu ŭ krainie nie ažyćciaŭlajecca pa prazrystych praviłach i schiemach, zajaviŭ Daškievič.