Pratesty ŭ Banhładeš: premjer-ministr pakinuła krainu, natoŭp zachapiŭ jaje rezidencyju
U paniadziełak tysiačy ludziej uvarvalisia ŭnutr «Hanabchabana», rezidencyi premjer-ministra.
Premjer-ministr Banhładeš Šejch Chasina padała ŭ adstaŭku i pakinuła krainu na fonie masavych pratestaŭ, jakija pryviali da hibieli sotniaŭ ludziej. Jaje miescaznachodžańnie pakul nieviadomaje, piša Bi-bi-si.
U paniadziełak tysiačy ludziej uvarvalisia ŭnutr «Hanabchabana» — rezidencyi premjer-ministra.
Na hety momant niezrazumieła, chto staić na čale dziaržavy. Kamandujučy armijaj kantaktuje ź lidarami palityčnych partyj i ŭ bližejšy čas maje namier pravieści pres-kanfierencyju.
U niadzielu prynamsi 90 čałaviek zahinuli ŭ sutyknieńniach pamiž palicyjaj i ŭdzielnikami akcyj pratestu, jakija patrabavali adstaŭki Šejch Chasiny.
Siarod zahinułych — 13 palicejskich. Jany byli zabityja ŭ chodzie napadu na palicejski ŭčastak u horadzie Siradžhandž za 100 km na poŭnač ad stalicy krainy Dakka.
Studenckija pratesty z patrabavańniem admianić sistemu kvot na pracu ŭ dziaržsłužbie pačalisia ŭ lipieni. Za hety čas zahinuła bolš za 280 čałaviek.
U stalicy palicyja ŭžyła ślezaciečny haz i humovyja kuli dla razhonu mitynhoŭcaŭ, a premjer-ministr rasparadziłasia adklučyć mabilny internet u krainie.
Viarchoŭny kamisar AAN pa pravach čałavieka Folkier Ciurk zaklikaŭ ułady Banhładeš spynić hvałt.
Jon taksama vykazaŭ zakłapočanaść z nahody masavaha šeścia, jakoje zapłanavana ŭ stalicy na paniadziełak, i papiaredziŭ ab ryzycy dalejšaj eskałacyi.
«Urad pavinien spynić pieraśled tych, chto mirna ŭdzielničaje ŭ pratestnym ruchu, nieadkładna vyzvalić zatrymanych, adnavić poŭny dostup u internet i stvaryć umovy dla kanstruktyŭnaha dyjałohu», — zajaviŭ jon.
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary