Kvitki ź Minska ŭ Vilniu adčuvalna padaraželi. Z čym heta źviazana i čamu ceny mohuć uźlacieć jašče bolš?
Z sakavika ceny na niekatoryja kvitki na aŭtobus ź Minska ŭ Vilniu vyraśli ŭ dva razy. I chutčej za ŭsio situacyja praciahnie horšać.
Sioleta ŭ sakaviku samy tanny kvitok ź biełaruskaj stalicy ŭ litoŭskuju možna było nabyć za 80 rubloŭ. Samy darahi ŭ toj ža čas kaštavaŭ 140 rubloŭ.
Ciapier ža samy biudžetny varyjant, jaki jość na sajcie «Minsktransu» na kaniec žniŭnia, kaštuje kala 155 rubloŭ. Samy darahi — 335 rubloŭ.
U «Ekałajns» kvitok možna nabyć za 200 rubloŭ. U «Eŭrałajns» — ad 165 rubloŭ.
Samyja tannyja ceny prapanuje «Atłas». U hetaha pieravozčyka bilety ŭ Vilniu pačynajucca ad 140 rubloŭ (jašče miesiac tamu možna było ŭziać za 120, a letaś — za 80 rubloŭ).
U toj ža čas ceny na kvitki ź Minska ŭ Varšavu amal nie źmianilisia. Naprykład, u sakaviku «Ekałajns» pradavaŭ kvitki na hety maršrut za 200 rubloŭ — i roŭna stolki ž jany kaštujuć ciapier. Na sajcie «Minsktransu» na kaniec žniŭnia jość i tańniejšyja prapanovy: ceny pačynajucca sa 135 rubloŭ.
Rost cen na kvitki mienavita ŭ Vilniu možna rastłumačyć tym, što Litva realizuje płan pa skaračeńni patoku aŭtobusaŭ ź Biełarusi. Pa-pieršaje, byŭ zakryty šerah punktaŭ propusku praź miažu — ciapier dziejničajuć tolki dva (ź biełaruskaha boku heta «Kamienny Łoh» i «Bieniakoni»). Pa-druhoje, litoŭskija ŭłady imknucca pamienšyć kolkaść dazvołaŭ dla biełaruskich i litoŭskich kampanij, jakija zajmajucca pasažyrskimi pieravozkami. Atrymlivajecca tak, što paśla zakančeńnia terminu dziejańnia dazvołu na pieravozki pieravozčyki nie atrymlivajuć novyja i tamu vymušanyja syści.
Kali da 1 sakavika 2024 hoda ludziej ź Biełarusi ŭ Litvu vazili 58 pieravozčykaŭ, to ciapier ich zastałosia 35. Płanujecca, što da lutaha 2025 hoda ich kolkaść pastupova budzie źnižana da 29, ahučvała ličby ŭ efiry LRT ministr unutranych spraŭ Litvy Ahnie Biłatajte.
Jakaja abstanoŭka pa pahranpierachodach pa stanie na ranicu čaćviarha?
Vieličeznaja čarha z aŭtobusaŭ i aŭtamabilaŭ na polskaj miažy nijak nie choča źmianšacca
Litva płanuje pastupova źmienšyć kolkaść aŭtobusnych maršrutaŭ ź Biełaruśsiu
Bolš za 60 jeŭra ŭ kašalku — buduć prablemy? Na vyjeździe ź Litvy biełarusy sutykajucca z novymi ciažkaściami
Eks-palitźniavolenaja raskazała, jak vychodziła pa pamiłavańni i pra toje, što čuvać pra Kaleśnikavu1
Kamientary