Jachja Sinvar, abrany kiraŭnikom palitbiuro ruchu CHAMAS paśla zabojstva Ismaiła Chanii, pieradaŭ praź jehipieckich i katarskich pasiarednikaŭ Izrailu, što jon choča pieramirja, piša CNN sa spasyłkaj na izrailskuju krynicu.
Pa słovach dvuch surazmoŭcaŭ CNN u Izraili, premjer-ministr krainy Bińjamin Nietanijachu hatovy na zaklučeńnie ździełki. Ale adna z krynic CNN skazała, što nasamreč «nichto nie viedaje», čaho choča Nietanijachu.
Ułady ZŠA tym časam dali zrazumieć izrailskamu kiraŭnictvu, što čakajuć ad jaho zaklučeńnia pahadnieńnia ab spynieńni ahniu, kab paźbiehnuć šyrokaj rehijanalnaj vajny, skazaŭ surazmoŭca CNN.
Kiraŭnik palitbiuro CHAMAS Ismaił Chanija byŭ zabity nočču 31 lipienia ŭ Tehieranie, kudy jon pryjechaŭ na inaŭhuracyju novaha prezidenta Irana Masuda Piezieškiana. Jon byŭ zabity ŭ vyniku vybuchu bomby ŭ domie, dzie spyniŭsia. Aficyjna izrailskija ŭłady nie brali na siabie adkaznaść za hibiel Chanii.
Iran zajaviŭ, što Izrail pierajšoŭ «usie čyrvonyja linii», i paabiacaŭ chutki i žorstki adkaz.
ZŠA, Jehipiet i Katar u sumiesnaj zajavie zaklikali Izrail i CHAMAS nieadkładna zaklučyć pahadnieńnie ab spynieńni ahniu i vyzvaleńni izrailskich zakładnikaŭ. Pasiaredniki paviedamili, što čakajuć baki na pieramovach 15 žniŭnia.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6060
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie60
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary