Eks-bajec PVK «Vahnier» žorstka zabiŭ svaju ciažarnuju dziaŭčynu z-za złamanaj akustyčnaj kałonki
36-hadovy Siarhiej Kazłoŭ, jaki ŭ 2021 hodzie byŭ asudžany na 6 hadoŭ za źbićcio žančyny i jaje dački siakieraj, vyjšaŭ na volu letam 2023 hoda dla ŭdziełu ŭ vajnie ŭ składzie PVK «Vahnier».
Pa viersii śledstva, 21 kastryčnika jon adpačyvaŭ sa svajoj dziaŭčynaj, jakaja znachodziłasia na poźnich terminach ciažarnaści, i jaje baćkam u zaharadnym domie. Dziaŭčyna, na jaho dumku, złamała akustyčnuju kałonku, za što jon pačaŭ bić jaje pryładaj pa hałavie, pakul taja nie razłamałasia na častki, piša «Ńjusač-Dvač».
Dalej jon staŭ šturchać dziaŭčynu i skakać na jaje žyvacie, kryčučy, što jana niavartaja vynošvać jaho dziciaci. Dalej jon nastupiŭ dziaŭčynie na šyju. Dziaŭčyna pamierła. Na jaje ciele zafiksavali 138 paškodžańniaŭ.
Mužčyna źmieščany ŭ SIZA. Ekśpiertyza pakazała, što jon u adekvatnym stanie.
Vylecieła ŭ nieviadomym kirunku śpikierka KR Anžalika Mielnikava30
Kamientary