Telegram nie tak zrazumieli — jon nie źbirajecca maderavać pryvatnyja čaty
Punkt pra biaśpieku pryvatnych pierapisak i čataŭ prosta pieramiaścili ŭ inšy raździeł.
Telegram nie admoviŭsia ad raniejšaj palityki i pa-raniejšamu nie maderuje pryvatnyja čaty i pryvatnyja pierapiski.
ŚMI raniej paviedamili pra źmieny na staroncy FAQ, dzie sa zvykłaha raździeła źnik punkt, što Telegram nie apracoŭvaje skarhi i zapyty na kantent u pryvatnych čatach. Akazałasia, što hety punkt prosta pieranieśli ŭ inšy raździeł, źviazany z aŭtarskim pravam.
«Usie čaty i hrupavyja čaty Telegram źjaŭlajucca pryvatnymi dla svaich udzielnikaŭ. My nie apracoŭvajem zapyty, źviazanyja ź imi. Ale nabory stykieraŭ, kanały i boty Telegram ahulnadastupnyja», — havorycca ŭ FAQ.
Hety punkt raniej byŭ u raździele ab vydaleńni niezakonnaha kantentu, tamu ŚMI, nie vyjaviŭšy jaho na svaim miescy, vyrašyli, što Telegram źmianiŭ palityku maderacyi.
Aficyjny akaŭnt Telegram u X paćvierdziŭ, što pryvatnyja čaty zastanucca pryvatnymi. Skarhi na paviedamleńni ŭ hrupach, jak i raniej, pracujuć pa pryncypie pierasyłki.
U tym liku ź niedastatkovaj maderacyjaj kantentu byli źviazanyja pretenzii da Telegram francuzskich uładaŭ, a taksama paŭdniovakarejskich, jakija znajšli dypfiejki parnahrafičnaha ŭtrymańnia ŭ pryvatnych hrupach.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni17
Kamientary