Kampanii, jakija zajmajucca dastaŭkaj aŭto z ZŠA, prapracoŭvajuć novy maršrut praz adnu z krain Jeŭrasajuza

Try miesiacy ŭ novych realijach

Da leta 2024 hoda litoŭski port Kłajpieda razhladaŭsia jak biezalternatyŭny varyjant na šlachu dastaŭki techniki z ZŠA i Kanady ŭ Biełaruś, bo heta samy blizki port da Biełarusi. Adlehłaść ad Kłajpiedy da Minska — kala 500 km, da Hrodna — mienš za 400 km.

Ale ŭsio źmianiłasia 4 červienia 2024 hoda, kali litoŭskaja mytnia ŭzmacniła kantrol za vyvazam aŭto, maładziejšych za 5 hadoŭ.

Ciapier Litva afarmlaje tranzit i vypuskaje ŭ Biełaruś tolki tyja aŭto z ZŠA, jakija adpaviadajuć nastupnym kryteryjam:

• mašyny z abjomam ruchavika da 1,9 litra niezaležna ad uzrostu aŭto
• starejšyja za 5 hadoŭ aŭto niezaležna ad abjomu ruchavika 
• elektramabili i hibrydy, starejšyja za 5 hadoŭ.

Aŭto, maładziejšyja za 5 hadoŭ z abjomam ruchavika, bolšym za 1,9 litra, a taksama hibrydy i elektramabili, z momantu vypusku jakich nie prajšło 5 hadoŭ, Litva ŭ Biełaruś nie vypuskaje. Mienavita mašyny z vyšejapisanaj katehoryi i zachraśli ŭ porcie Kłajpieda.

Kab hetyja aŭto mahli trapić u Biełaruś, litoŭskaja mytnia patrabuje ad ułaśnikaŭ pakazać dekłaracyju ad vytvorcy, dzie budzie paznačana, što vytvorca aŭto nie suprać taho, kab vypuščany imi aŭtamabil trapiŭ u Biełaruś. Jak pakazvaje praktyka, atrymać takuju dekłaracyju niemahčyma.

Tyja, chto zajmajecca ekspartam aŭto sa Štataŭ, chutka pieraklučylisia na Hruziju. Novyja zamovy raźličvajuć z ulikam dastaŭki praz hruzinski port Poci. 

Pavialičyć

Achvotnym nabyć mašyny z abjomam da 1,9 litra i starejšyja za 5 hadoŭ prapanujuć vybirać: dastaŭlać praź Litvu abo praz Hruziju. Pry hetym mieniedžary adrazu papiaredžvajuć, što ŭ vypadku z dastaŭkaj praź Litvu nijakich harantyj, što mašyna dajedzie da Biełarusi, jany nie dajuć, bo nichto nie viedaje, jakija novyja patrabavańni mohuć uźniknuć, pakul mašyna budzie ŭ darozie.

Dastaŭka praz Hruziju vychodzić na $1500-2000 daražej, čym praź Litvu. Plus heta minimum dadatkovy miesiac čakańnia, bo mašyna robić vialiki kruk.

Pavialičyć

Hiermanija zamiest Hruzii i Litvy

Tamu prynamsi niekatoryja kampanii pačali prapanavać svaim klijentam dastaŭku aŭto sa Štataŭ u Biełaruś praź niamiecki port Bremierhafien.

Pa cenach heta niešta siaredniaje pamiž Litvoj i Hruzijaj. Pa terminach dastaŭki abiacajuć vieźci aŭto nie daŭžej, čym u vypadku z Kłajpiedaj, bo sudna z ZŠA dabirajecca da Niamieččyny krychu chutčej, čym da Litvy.

Mieniedžary zapeŭnivajuć, što ŭ adroźnieńnie ad Hruzii pry dastaŭcy praz Hiermaniju nie treba vykarystoŭvać dadatkovyja schiematozy z dakumientami. Hruz ź niamieckaha porta budzie afarmlacca adrazu na Biełaruś.

Pasredniki prapanujuć dastaŭku praz Hiermaniju i tym zakazčykam, čyje aŭto ciapier biez prablem afarmlajuć u Litvie. Na ich dumku, lepiej krychu pierapłacić za dastaŭku, čym čakać, pakul litoŭskaja mytnia prydumaje novyja patrabavańni, jakija nielha budzie vykanać.

Nakolki nadziejnym budzie novy maršrut?

Nadziejnaść novaha maršrutu abhruntoŭvajuć tym, što mašyny biełarusaŭ zachraśli ŭ Kłajpiedzie nie praz uviedzienyja novyja sankcyi ŭ dačynieńni da Biełarusi, a vyklučna praz unutranyja patrabavańni litoŭskaj mytni pradstavić dekłaracyju ad vytvorcy, kali mašynie nie spoŭniłasia 5 hadoŭ.

Kampanii, jakija zajmajucca dastaŭkaj aŭto sa Štataŭ, vidavočna, spadziajucca na toje, što niamieckaja mytnia nie budzie ŭvodzić niejkija ŭłasnyja dadatkovyja patrabavańni dla afarmleńnia tranzitu. Ale jak budzie na praktycy, nichto nie viedaje, bo naŭrad ci niechta z pasrednikaŭ užo paśpieŭ masava dastavić mašyny sa Štataŭ u Biełaruś praz Hiermaniju.

• 3
• 1
• 5
• 1
• 0
• 0
• 0
• 0