Pryčym padpalili cyharetami.
U Najabrsku (Jamała-Nianieckaja akruha) dvoje školnikaŭ spalili viertalot. Za heta im paabiacali 5 miljonaŭ rasijskich rubloŭ (55 tysiač dalaraŭ), piša «Baza».
U noč na 11 vieraśnia dvoje chłopcaŭ va ŭzroście 13 i 14 hadoŭ prabralisia na terytoryju viertalotnaj placoŭki ŭ aeraporcie, paśla čaho ablili viertalot Mi-8, jaki stajaŭ tam (na fota toj samy viertalot) haručaj vadkaściu i padpalili.
Chłopcy źbiehli ź miesca złačynstva, adnak mienš čym praz hadzinu ich udałosia zatrymać. Školniki padpalili viertalot cyharetami. Paśla taho jak jany ablili viertalot vadkaściu, chłopcy vyrašyli papalić i, zatym, kinuli cyharetu ŭ viertalot. Pažaru nie adbyłosia.
Tady adzin z chłopcaŭ zakuryŭ druhuju cyharetu i paśla hetaha ŭvatknuŭ jaje ŭ vadkaść. U hety momant adbyŭsia vybuch.
U vyniku chłopcam mocna abpaliła tvar, tamu, kali jany adbiehli trochi ad aeraporta, daviałosia vyklikać chutkuju. Miedyki dastavili padpalščykaŭ u balnicu. Viertalot zhareŭ amal całkam — ad jaho zastaŭsia tolki chvost.
Padčas razmovy z supracoŭnikami pravaachoŭnych orhanaŭ, školniki raspaviali, što za pracu im paabiacali 5 miljonaŭ rasijskich rubloŭ. Taksama chłopcy pryznalisia, što niekalki dzion tamu jany padpalili vyšku sotavaj suviazi. Za heta jany atrymali 30 tysiač rubloŭ (330 dalaraŭ).
Kitaj paprasiŭ Biełaruś narmalizavać adnosiny z Polščaj — krynica3
Kamientary