U Pieru pamior były prezident Albierta Fuchimory. Letaś jaho vyzvalili z turmy
U svoj čas jaho pryhavaryli da 25 hadoŭ turmy.
Były prezident Pieru Albierta Fuchimory, jaki pravioŭ 16 hadoŭ u turmie pa abvinavačvańniach u karupcyi i parušeńniach pravoŭ čałavieka, pamior va ŭzroście 86 hadoŭ u stalicy krainy Limie, piša Bi-bi-si.
«Paśla doŭhaj baraćby z rakam naš baćka Albierta Fuchimory tolki što adpraviŭsia da Hospada», — napisali jaho dzieci Kiejka, Chira, Sačy i Kiendžy Fuchimory ŭ sacsietcy X.
Uletku Kiejka Fuchimory paviedamlała, što jaje baćka maje namier znoŭ zmahacca za pasadu kiraŭnika dziaržavy na vybarach u 2026 hodzie.
Fuchimory, jaki ŭznačalvaŭ Pieru z 1990 pa 2000 hod, byŭ vyzvaleny z turmy pa humanitarnych mierkavańniach u śniežni minułaha hoda, adbyŭšy dźvie traciny 25-hadovaha terminu za złačynstvy, učynienyja padčas svajho kiravańnia.
Jaho abvinavačvali ŭ stvareńni «eskadronaŭ śmierci» dla baraćby z paŭstancami i datyčnaści da zabojstva 25 čałaviek u 1991-1992 hadach, a taksama ŭ rastracie dziaržaŭnych srodkaŭ i inšych karupcyjnych złačynstvach.
U 2000 hodzie Fuchimory, jaki mieŭ japonskaje pachodžańnie, pakinuŭ krainu i adpraviŭsia ŭ Japoniju. Pieruanskija ŭłady, jakija pačali rasśledavańnie ŭ dačynieńni da eks-prezidenta, damahalisia jaho vydačy, ale Japonija admoviłasia heta zrabić.
U 2005 hodzie Fuchimory niečakana abjaviŭsia ŭ Čyli, dzie byŭ aryštavany pa pieruanskim ordary i dastaŭleny ŭ Limu, staŭšy pieršym demakratyčna abranym lidaram, ekstradavanym u svaju krainu.
U 2007 hodzie jaho asudzili na 25 hadoŭ. Prezident Pieru Pedra Pabła Kučynski pamiłavaŭ Fuchimory ŭ 2017 hodzie ŭ suviazi sa stanam jaho zdaroŭja.
Tady Albierta Fuchimory ŭ zajavie, zapisanaj na balničnym łožku, paprasiŭ prabačeńnia ŭ hramadzian krainy i padziakavaŭ prezidentu za pamiłavańnie, adnak na volu zmoh vyjści tolki praz šeść hadoŭ z-za jurydyčnych sprečak vakoł jaho vyzvaleńnia.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary
Darečy, dziŭny toj fakt, što ŭ ich u 2021 byli pratesty suprać dyktatury, jak i ŭ nas.
Red., cikava było b, vy napisali artykuł pra palityku Pieru, kab ludzi razumieli, jak my padobny svaim zmahańniem z dyktaturaj.