Siońnia ŭ Biełaruskim domie na Vilenskaj 20 a 18.30 adbudziecca prezientacyja knih pieršaha redaktara adnoŭlenaj «Našaj Nivy» Siarhieja Dubaŭca «Stahodździe NN» i «Zanzibar».
«Pahavorym pra ŭsio cikavaje. Sardečna zaprašaju!» — zaprašaje Siarhiej Dubaviec, napisaŭšy ŭ svaim fejsbuku.
Pra što knihi?
«Stahodździe NN». Kniha vybranych ese raspaviadaje pra stahodździe pamiž «Našaj Nivaj» i «Našaj Nivaj», u jakim dziejničajuć: Janka Kupała — čaraŭnik na fabrycy maskultu, Abdzirałovič pad psieŭdanimam Kančeŭski, Vasil Bykaŭ — piśmieńnik ekzistencyjnaj niavykrutki, Ikar, jakomu kryły razburyła sonca, a jašče: nianaviść, jakaja stała luboŭju, pryciahalnaja Amieryka, biełaruskija masony, tatary, habrei, šlachta — ad mienskich karanioŭ da vilenskaha pavietra».
«Zanzibar» — heta aŭtabijahrafičny tekst pra toje, jak małady čałaviek u 80-ja hady adkryvaje dla siabie biełaruščynu. U knizie mnoha pra niefarmalnyja arhanizacyi tych časoŭ: ad «Majstroŭni» dy «Tałaki» da litaraturnaha abjadnańnia «Tutejšyja». Razam z tym, heta nie prosta nastalhičnyja natatki, aŭtar pravodzić paraleli z sučasnaściu, biełaruskaj rečaisnaściu 2020-ch hadoŭ.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary