Cichanoŭskaja abmierkavała z namieśnikam dziaržsakratara ZŠA namahańni pa vyzvaleńni palitviaźniaŭ
Śviatłana Cichanoŭskaja sustrełasia z namieśnikam dziaržsakratara ZŠA Kurtam Kempbiełam u Vilni. Demakratyčnaja lidarka padziakavała ZŠA za padtrymku i salidarnaść. Namieśnik dziaržsakratara padkreśliŭ, što ZŠA praciahnuć padtrymku biełaruskaha naroda i demakratyčnaj supolnaści, paviedamlaje Abjadnany pierachodny kabiniet.
Padčas sustrečy abmierkavali:
Vajenna-palityčnuju situacyju ŭnutry krainy: vykarystańnie Rasijaj biełaruskaj pavietranaj prastory dla vajennych apieracyj suprać Ukrainy, pastaŭki režymam uzbrajeńnia dla rasijskaj armii. Cichanoŭskaja padkreśliła, što biełaruskaje hramadstva suprać vajny.
Namahańni pa vyzvaleńni palitźniavolenych i mahčymyja kroki mižnarodnaj supolnaści i ZŠA dla ich vyzvaleńnia i spynieńnia represij.
Niepryznańnie «vybaraŭ» 2025 hoda: Cichanoŭskaja adznačyła, što vybary nie buduć prazrystyja, svabodnyja i spraviadlivyja, i nie mohuć być pryznanyja mižnarodnaj supolnaściu.
Praciah Stratehičnaha dyjałohu «Biełaruś — ZŠA»: damovilisia praciahvać pracu pa niekalkich napramkach (palitźniavolenyja, miedyja, nacyjanalnaja identyčnaść, abarona pravoŭ čałavieka i inš.) i pravieści nastupnuju sustreču ŭ najbližejšyja miesiacy.
Pryznačeńnie śpiecpasłańnika ZŠA pa Biełarusi: Cichanoŭskaja padkreśliła, što takoje pryznačeńnie paspryjaje lepšaj kaardynacyi pamiž demakratyčnymi siłami Biełarusi i ZŠA.
Pavieličeńnie padtrymki hramadzianskaj supolnaści i niezaležnym miedyjam. Kiraŭnica Kabinieta prapanavała praciahnuć i pavialičyć prahramy padtrymki dla niezaležnych arhanizacyj i inicyjatyŭ, a taksama represavanych.
Sankcyi ŭ dačynieńni da režymu: nieabchodna praciahvać sankcyjny cisk na arhanizacyi i fizičnyja asoby, jakija ažyćciaŭlajuć represii i saŭdzielničajuć u vajnie.
Supolnyja zachady padčas siesii Hienasamblei AAN, a taksama ŭ miežach ABSIE.
Kamientary
hraždanskije iniciativy tolko tohda jesť i rastut, kohda samofinansirujutsia bieł. obŝiestvom