Apple pieratvaryła svaje AirPods u słychavy aparat. I, zdajecca, heta budzie vialiki pośpiech
Novaja funkcyja budzie dastupnaja ŭžo hetaj vosieńniu.
Jak piša The Wall Street Journal, niekalki dzion tamu kampanija Apple prademanstravała novuju funkcyju, jakaja pieratvaraje jaje biespravadnyja navušniki AirPods Pro 2 u słychavy aparat. Jana budzie dastupnaja spažyŭcam užo hetaj vosieńniu, jak tolki vyjdzie abnaŭleńnie prahramnaha zabieśpiačeńnia.
Pa słovach śpiecyjalistaŭ, vykarystańnie navušnikaŭ u jakaści słychavoha aparatu dapamoža ludziam ź lohkaj i ŭmieranaj stupieńniu straty słychu. Zvyčajna try z čatyroch čałaviek z takimi prablemami nie chočuć pryznavać jaje najaŭnaść i nie źviartajucca pa dapamohu.
Pryčynami mohuć słužyć jak niaviedańnie ab prablemie, tak i niežadańnie źviartać uvahu na siabie našeńniem słychavoha aparata. Istotny ŭpłyŭ na rašeńnie admovicca ad słychavoha aparata akazvaje nieabchodnaść źviarnucca da doktara i košt samoha aparata.
Śpiecyjalisty ličać, što AirPods zamiest tradycyjnaha słychavoha aparata mohuć stać čyńnikam, jaki źmienić praviły hulni, bo ich masavaja papularnaść a taksama zručnaść i davier spažyŭcoŭ da Apple dazvolać ludziam z prablemami słychu vykarystoŭvajučy ich adčuvać siabie kamfortna, što ŭ vyniku moža pašyryć aŭdytoryju spažyŭcoŭ pradukcyi kampanii i stvaryć kankurencyju dla vytvorcaŭ tradycyjnych słychavych aparataŭ.
Akramia hetaha, niemałuju rolu ŭ hetym moža adyhrać i košt AirPods. Jany značna tańniejšyja za tradycyjnyja słychavyja aparaty.
Dva hady nazad Upraŭleńnie pa sanitarnym nahladzie za jakaściu praduktaŭ i miedykamientaŭ ZŠA (FDA) dazvoliła prodaž słychavych aparataŭ biez receptaŭ. Heta adkryła šlach da vialikaj kankurencyi i inavacyj, što pryviało da stvareńnia bolš dastupnych pa canie aparataŭ.
Kali tradycyjnyja słychavyja aparaty, jakija adpuskajucca pa recepcie, kaštujuć tysiačy dołaraŭ, to biezrecepturnyja značna tańniejšyja. Ich košt składaje ad 100 da 1000 dołaraŭ.
U liniejcy takich praduktaŭ słychavyja aparaty na bazie słuchavak AirPods majuć asobnyja niedachopy. Tak u ich mienšy čas aŭtanomnaj raboty i jany nie vyhladajuć niabačnymi.
U toj ža čas raspracoŭščyki Apple źviartajuć uvahu na dadatkovuju funkcyju vymiareńnia słychu. Na heta spatrebicca kala piaci chvilin i padłučeńnie AirPods da iPhone ci iPad.
Vydańnie zaŭvažaje, što zajava Apple ab svajoj inavacyi ŭžo abvaliła košt akcyj kampanij, jakija zajmajucca vytvorčaściu biezrecepturnych słychavych aparataŭ u ZŠA.
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»31
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary